Tuesday, May 21, 2019

Widgets

පොසොන් එකට NeoPixel LED වලින් අපේම මෝස්තර වලින් ගෙදර සරසමු

මේ වෙසක් එකට ඉතින් මම අපේ ගෙදර ලයිට් වලින් සැරසුවෙ NeoPixel LED  වැලකින්. වෙනත් තැන් වල තියෙන වර්ණ කිහිපයක් පමණක් තියෙන LED Lights වැල් වෙනුවට විව්ධාකාරයේ patterns හා දේදුන්නේ වර්ණ වලින් අපේ ගෙදර සැරසුනා.

ඒ ආර්ඩුයිනෝ වලින් කරපු තවත් වැඩක්. (ආර්ඩුයිනෝ වලින් කරපු වැඩ ගැන කියන්නම් කියල කිව්වට කියන්න බැරි උනු එකට සමාවෙන්න. i.e. Smart Home, remote controlling, etc)

පොඩි වීඩියෝ ක්ලිප් එකක් ගත්ත. මෙන්න පහලින් ඒක. 



ඔක්කොටම වඩා ලොකුම කතාව තමයි මෙන්න මේක.


ඉතින් මම හිතුව මේ කරපු එක ගැනවත් කියන්න.

මේක කළේ කොහොමද?

ආර්ඩුයිනෝ හා Addressable LED වැලක් උපයෝගී කරගෙන තමා මේක නිර්මාණය කළේ.

අවශ්‍ය දේවල් මොනවද?
  1. Arduino Development Board එකක්
  2. DC 5V ස්ථාවර විදුලි සැපයුමක්
  3. WS2811 NeoPixel LED වැලක් (හෝ කිහිපයක්)
  4. Arduino Development Board එක ප්‍රෝග්‍රෑම් කරගන්න පරිගණකයක් හෝ ඇන්ඩ්‍රොයිඩ් දුරකථනයක් (Arduino IDE Install කර තිබිය යුතුයි.)
  5. ප්‍රමාණවත් තරමේ ක්‍රමලේඛනය පිළීබඳ දැනුමක්.
  6. Jumper Cables කිහිපයක්. 

මේ දේවල් ගැන තවත් විස්තර කළොත්.

  1. මේ සඳහා Uno, Nano ආදී ඕනෑම බෝඩ් එකක් භාවිතා කරන්න පුළුවන්. ඉතා කුඩා මෙමරි ප්‍රමාණයක් තමයි යන්නෙ.
  2. මේ සඳහා ripples එන්නෙ නැති 5V සැපයුමක් අවශ්‍ය වෙනව. සාමාන්‍යයෙන් එක් බල්බ් වැලක් දැම්මොත් ඒකට උපරිමම 3A ඕනෙ වෙනව. නමුත් අපි බල්බ් 50ම සුදු පැහැයෙන් දැල්වීමක් වෙන්නෙ නැති නිසා එච්චර ඕනෙ නෑ. ඒ නිසා 2A ෆෝන් චාජර් එකක් උනත් ඇති. හරියට ගන්නව නම් 5V 5A Power Supply / 5V 5A Buk converter එකක් ඕනෙ. එක් බල්බ් වැලක RGB LED 50ක් තිබෙනවා. බල්බ් එකක් සුදු පැහැයෙන් දැල්වුනොත් ඒක 60mA වගේ ගන්නව. ඒකයි 3A ඕනෙ කිව්වෙ. 
  3. මේ NeoPixel Addressable LED බල්බ් වැල් වල තියෙන විශේෂය තමයි මුලු බල්බ් වැලේම තියෙන එක එක බල්බයකට වෙන් වෙන්ව අණ දීමේ හැකියාව. ලොකුම විශේෂය තමයි බල්බ් 1000ක් තිබ්බත් ඒවට කමාන්ඩ්ස් දෙන්නෙ එකම එක ඩිජිටල් පින් එකකින් වීම. (එතකොට බල්බ් වැලේ තියෙන්නෙ වයර් 3යි. විදුලිය + හා - සමඟ සිග්නල් ලබා දෙන වයරය.)
  4. ප්‍රොග්‍රෑම් එක අප්ලෝඩ් කරන්න Arduino IDE එක හෝ වෙනත් Development Platform එකක් භාවිතා කරන්න පුළුවන්. ෆෝන් එකෙන් කරනව නම් ෆෝන් එක OTG Support කරන්නත් ඕනෙ.
  5. Sample Codes වලින් ගොඩක් දේවල් කරන්න පුළුවන්. නමුත් ඒව වෙනස් කරගන්න ඕනෙ උනොත්, ඔයාලගෙන patterns හදන්න හිතුනොත් Arduino Programming ගැන නම් පොඩි හරි දැනුමක් ඕනෙ වෙනව. ගොඩක් දේවල් ඕනෙ නෑ For loop වගේ දේවල් ගැන දැනන් හිටිය නම් හොඳටම ඇති.
මිල ගණන් ගැන කිව්වොත්.
  1. නැනෝ බෝඩ් එකක් ලංකාවෙ රු. 700ක් වගේ වෙනව. නමුත් අලි එකෙන් වගේ ගන්නව නම් ඊට ගොඩක් අඩු මිලකට ගන්න පුළුවන්.
  2. ඉස්සෙල්ල කිව්ව වගේ චාජර් එකක් භාවිතා කළොත් වියදම බිංදුවයි. නමුත් 230V-5V Power supply එකක් ගත්තොත් නම් රු. 500-1000 අතර මිලක් යයි. නැත්තම් මම කළා වගේ 12-5V Buk converter එකක් භාවිතා කළොත් රු. 350/=යි.
  3. එක් බල්බ් වැලක් මම මිලට ගත්තෙ රු. 1350/=කට නමුත් හුඟක් තැන් වල රු. 1100-1200 වගේ මිලට තිබුණ කියල හුඟක් අය කිව්ව. කොටුවෙ රු. 600-800ට වගේ තියෙන ඒව නම් තත්ත්වයෙන් බාලයි කියල සමහරු කියල තිබ්බ. 
ඉතින් වියදම බැලුවොත් රු. 2300/-කින් වගේ බල්බ් 50ක් එක්ක හදාගන්න පුළුවන්. 

බඩු ටික ගත්තෙ කොහෙන්ද?

හොඳ ප්‍රශ්නයක්. බොහොමයක් දෙනාට තියෙන ප්‍රධානම ප්‍රශ්නෙ.
තමයි මම දන්න හොඳ තැන්. මේව නම් ඉතින් කොළඹ දිස්ත්‍රික්කය තුළ. නමුත් මේ හැමෝම වගේ ලංකාව පුරා එයාලගෙ භාණ්ඩ බෙදා හරිනව. 


හදාගන්න කොහොමද?

වැල්වටාරම් කියෙව්ව ඇති. හදාගන්න විදිහ ගැන කතා කරමු.
ඉතින් අර කිව්ව බඩු ටික එකතු කරගන්න.
ඊට පස්සෙ ඒව මේ විදිහට අමුණගන්න.

මම භාවිතා කළේ නැනෝ බෝඩ් එකේ D2 Pin එක සිග්නල් යවන්න. ඔයාල කැමති පින් එකක් භාවිතා කරන්න පුළුවන්. 
පරිගණකයේ Arduino IDE එක open කරන්න. 
ඒකෙ Library Manager ඕපන් කරගන්න. 
ඒකට FastLED Library එක ස්ථාපනය කරගන්න.
දැන් ඉතින් ප්‍රෝග්‍රෑම් එක ලියන්න පටන් ගන්න.

#include <FastLED.h>  //FastLED LIbrary එක ඉම්පෝර්ට් කළා. 

#define DATA_PIN     2 //Data send කරන pin එක 2 කියල කිව්ව. 
#define NUM_LEDS    50 //අපි සවි කරල තියෙන්නෙ බල්බ් 50යි කිව්ව. 

CRGB leds[NUM_LEDS]; //අපි වර්ණ දෙන්නෙ RGB Color Codes වලින් කිව්ව. 

void setup() {
  FastLED.addLeds<WS2811, DATA_PIN, RGB>(leds, NUM_LEDS);

}

void loop() {

//මෙතන දැන් අපේ ඕනෙ කෝඩ් එකක් ලියන්නයි තියෙන්නෙ. 

  }

කෝඩ් එක ලියල ඉවර උනාට පස්සෙ ඒක ඩේටා කේබල් එක මාර්ගයෙන් බෝඩ් එකට අප්ලෝඩ් කරන්න. අප්ලෝඩ් උනු ගමත් ඉතින් ලස්සනට ලයිට් ටික පත්තු වෙන්න ඕනෙ.

FastLED Library එකත් එක්ක සාම්පල් කෝඩ් සෙට් එකකුත් ලැබෙනව. ඔයාලට ඒව ට්‍රයි කරල බලන්න පුළුවන්.


අපේ නිසල් මිත්‍රයා තවත් කෝඩ් ටිකක් හදල එයාගෙ GitHub එකටත් දාල තිබුණ. ඒවත් ට්‍රයි කරන්න. 





මම උඩ මගෙ විඩියෝ එකේ දාල තියෙන Patterns Mix එකට අදාල කෝඩ් එක ඕනෙ නම් මේ පහල OneDrive ලින්ක් එකෙන් ගන්න. 



එහෙනම් එන පොසොන් එකට Arduino and NeoPixel වලින් ගෙවල් සරසගන්න ආරාධනා කරනව.
තාක්ෂණික ගැටළුවක් ආවොත් අහන්න. පුළුවන් විදිහට කියල දෙන්නම්. දන්නෙ නැති නම් දන්න තැනකට යොමු කරන්නම්. 

ඊලඟට කරන්න ඉන්නෙ ප්‍රොජෙක්ට් එක. රිමෝට් කන්ට්‍රෝල් කාර්.

17 comments:

  1. ඉතාමත් හොඳ ලිපියක්. ස්තුතියි. පොඩි තොරනක් උන හදන්න පුලුවන් වෙයි වගේ.

    ReplyDelete
    Replies
    1. අනිවා. මහන්සි උනොත් ටිකක්, පුළුවන්. ස්තුතියි අදහසට.

      Delete
  2. අගෙයි, හදල බලන්න ඕන. බෝඩ් එකනං තියෙනව. බල්බ් ටිකයි පවර් සප්ලයි එකයි තමයි ගන්න වෙන්නෙ.

    ReplyDelete
    Replies
    1. ඔව් ගන්න. අලි එකේ අඩුවට තියෙනව ලංකාවට වඩා.

      Delete
  3. 5v denna pc power supply akak use karanna puluwn

    ReplyDelete
    Replies
    1. ඔව් පුළුවන්. ඒකෙ අවුට් එකට 5V Buk Converter එක භාවිතා කරන්න පුළුවන්. buk converter එකට 35v වෙනකම් ඉන්පුට් කරන්න පුළුවන්.

      Delete
  4. මාත් හදන්න ඕනි එකක්
    ජය වේවා !

    ReplyDelete
    Replies
    1. ඔව් ඔව්, අනිවා හදන්න. සුභ පතනවා!

      Delete
  5. ඉතාමත් වටිනා post එකක්. බොහෝම ස්තුතියි. පොඩි ප්‍රශ්නයක් තියෙනවා.
    T 1000 වගේ controllers අවශ්‍ය වෙන්නේ ඇයි ? ඒවායේ 256 MB වගේ memory තියෙන්නේ මොකටද ? ( මේවා ගැන හොයද්දි දැක්කේ )

    ReplyDelete
    Replies
    1. සමාවෙන්න. මම controllers ගැන නම් දන්නෙ නෑ. නමුත් ඒවායෙන් Arduino එකකට වඩා ගොඩක් වැඩි patterns සහ LED ප්‍රමාණයක් පාලනය කරන්න පුළුවන්. මොකද Arduino Boards වල RAM ප්‍රමාණය එහෙම ගොඩක් අඩුයි. ඉතින් කළ හැකි දේ සීමා සහිතයි.

      Delete
  6. බොහොම වටිනවා මල්ලි නිර්ලෝබීව ඔයා මේ දැනුම බෙදා දුන්නට,ඔයාගේ සියලු කටයුතු සාර්ථක වේවා

    ReplyDelete
    Replies
    1. බොහොම ස්තුතියි ඔබේ අදහසට හා පැතුමට.

      Delete
  7. නියමයි අයියේ ඒක නම් ලස්සනයි 😍

    ReplyDelete
  8. අයියේ එක ඩිසයින් එකක් ඉවර වෙලා ඒක අපට අවශ්‍ය වාර ගනන උදා.5 වතාවක් යවන්න ඔනේ එතකොට කොඩ් එක ලියන විදිය පොඩ්ඩක් ලියලා දාන්න පුලුවන්ද ලොකු උදවුවක් ඩිසයින් ටිකක් ලිව්වා ඒ වුනාට වාර ගාන දාගන්න තෙරෙන්නේ නැ

    ReplyDelete
  9. අයියේ ඩිසයින් එකක් ලියලා එක කිපරක් යන්න ඔනේද කියලා උදා .5 පාරක් යවන්න එනේ නම් කොඩ් එක ලියන විදිය පොඩ්ඩක් ලියලා දාන්න පුලුවන්ද කොමන්ට් එකකින්ම ඩිසයින් ටිකක් ලිව්වා ඒ වුනාට යන වාර ගාන ලියා ගන්න බැරුව හිර වෙලා ඉන්නේ උදවු කරන්න පුලුවන්නම් ස්තුතියි ගොඩාක්

    ReplyDelete
  10. ඒක නියමයි මම දාල බැලුව
    තව කොඩි ටිකකි හදන්න ජය.....

    ReplyDelete
  11. වැදගත් ලිපියක් ස්තුතියි

    ReplyDelete

ලිපිය කියෙව්වාට ගොඩාක් ස්තුතියි. ඒත් එක්කම ඔබගේ අදහස් මට ගොඩක් වටිනවා. අදහස් උදහස්, යෝජනා, චෝදනා, ප්‍රශ්න, ගැටළු, මෙහි ලියන්න.