2009 ~ මාධවගේ බ්ලොග් සටහන්

Friday, December 25, 2009

සුභ නත්තලකට ආසිරි!!!

10:24:00 AM 1 comment

මම ක්‍රිස්තියානි නම් නෙමෙයි, එහෙමයි කියල නත්තලට සුභ පතන්න තහනමක් නෑ නෙ, නේද?
හැමෝටම සුභ නත්තලක් වේවා!!!
එන්න තියෙන නව වසරත් සාර්ථකත්වයේ වසරක් වේවා!!!

ගූගල්ලගෙ තවත් වැඩක්

මෙන්න ගූගල්ලගෙ අළුත්ම වැඩක්. URL Shortner එකක්. මේක තියෙන්නෙ http://goo.gl/ වල. නමුත් මේක අපි වෙන ඒව පාවිච්චි කරනව වගේ අපේ වෙන වැඩ වලට පාවිච්චි කරන්න බෑ. පුළුවන් ගූගල්ලගෙ වැඩ වලට විතරයි. ඉස්සරහදි ඒකත් කරන්න දෙන්න පුළුවන් කියල තමා එයාල කියන්නෙ.

මේක එයාල, එයාලගෙ tool bar එකට share button එකක් ඇඩ් කිරීමත් එක්ක ආපු එකක්. ඊළඟට දැන් Feed Burner එකෙන් පුළුවන් අපේ ෆීඩ්ස් කෙලින්ම twitter එකට දාන්න.

මේ දෙක එක්ක තමා මේ අලුත් url shortner එක ක්‍රියාත්මක වෙන්නෙ.

ඔයාල දන්නවද, ඒ අස්සෙ මූණු පොතත් URL Shortner එකක් හදල. (http://fb.me/)

ගූගල්ලගෙ අළුත්ම නිෂ්පාදනය - Google Dictionary

8:32:00 PM google, google dictionary 2 comments

සමහරු නම් දන්නවත් ඇති, මේ ගූගල්ලගෙ අළුත්ම නිෂ්පාදනයක්. Google Dictionary.

ගූගල් සමාගම දැන් එයාලගෙ searches වල වචන සෙවුමක් කළොත් ඒවයෙ definitions දෙනව. (ඉස්සර නම් ගූගල් කළේ usersලව answers.com වලට යවපු එක, දැන් කෙලින්ම Google Dictionary එකට යවනව.)

මේක නිකම්ම නිකං English to English Dictionary එකක් නෙමෙයි, භාෂා ගණනාවකම වචන වල තේරුම හරි ඒ වචනය ඉංග්‍රීසි වලට පරිවර්තනය කරල තේරුමත් කියන ජාතියෙ එකක්. දැනට භාෂා 30කට මේක support කරනව. මේකෙන් වචනය ශබ්ද නගා කියවීමත් කරනව. (ඉංග්‍රීසි හැර වෙනත් භාෂා වල වචන)

මේකෙ තවත් විශේෂයක් තමයි වචන star කරලත් තියාගන්න පුළුවන් එක.

මේක මෙතනින් තව ඉදිරියට යාවි කියල තමා බලාපොරොත්තු වෙන්නෙ. ඒ අර කිව්ව definitions search එකත් එක්ක.

Google Chrome Bookmarks Sync අත්හදා බැලුවෙමි.

2:08:00 PM chrome, google 1 comment

මම මේක ගැන මීට පෙර ලිපියක් දැම්ම, නමුත් මම ඒක ට්‍රයි කරල බැලුවෙ අද. නරක නෑ.
මුලින්ම ක්‍රෝම් අප්ඩේට් කරගන්න ඕනෙ vision 4 වලට. ඊට පස්සෙ Settings > Bookmark Synced.. ක්ලික් කරන්න. නැත්තම් Settings > Options > Bookmark Sync.
මුල්ම වරට නම් මේක ක්ලික් කරන්නෙ, ඔයාගෙ ගූගල් ගිණුමට ලොග් වෙන්න අහනව.

ලොග් උනාට පස්සෙ ක්‍රෝම් මගින් ඔයාගෙ සියළුම Bookmarks, Google Docs වලට සේව් කරනව.

ඔන්න ඔහොමයි පේන්නෙ.
ඒව ඕනෙ නම් වෙන අය එක්ක බෙදා හදා ගන්න උනත් පුළුවන්.
මේ ටික වෙන පරිගණකයකට දා ගන්න ඕනෙ නම් කරන්න තියෙන්නෙ, ඒ පරිගණකයෙත් Chrome 4 දාල, ඉස්සෙල්ල කිව්ව පියවර ටික අනුගමනය කරන එක.
Sync කරපුවයින් කොයිකක හරි update එකක් කළොත්, කරන්න තියෙන්නෙ, හැමතැනම ආපහු Sync කරන එක විතරයි.

පොඩි පරික්ෂාවක්

8:59:00 PM testing 1 comment

මගෙ wordpress බ්ලොග් එකකට මම පොඩි plugin එකක් දැම්ම, එක පොඩ්ඩක් පරික්ෂා කරල බලන්න තමයි මේ පෝස්ට් එක දැම්මෙ. කරදරයක් උනා නම් සමාවෙන්න.

කොටස් වෙළඳපළ ක්‍රියාකාරිත්වය බලන්නේ කොහොමද?

8:42:00 AM share market 7 comments

කොටස් වෙළඳපළ ආයෝජනය කළා වගේ නෙමෙයිනෙ, එතන මොනවද වෙන්නෙ කියල විමසිල්ලෙන් ඉන්න එපැයි, නේද? හරි හරි, ඉතින් කොහොමද කොටස් වෙළඳපළ ගැන බලන්නෙ? කොටස් වෙළඳපළ තුළ සිදුවන වෙළඳාම් පිළිබඳව දිනපතා පුවත්පත් වල (උදා:Daily News), කොටස් වෙළඳපළ තුළදීම, ඔබගේ තැරැව් කරුවාගේ කාර්යාලයේ පරිගණක වල සහ වෙනත් පොදු ස්ථාන වල, ප්‍රසිද්ධ කරනු ලබනවා. රූපවාහිනී හෝ ගුවන්විදුලි වැඩසටහන් හරහාද ප්‍රසිද්ධ කරනු ලබනවා. ඒ වගේම කොළඹ කොටස් නිකුතුවේ වෙබ් අඩවිය (www.cse.lk) තුළද එදිනෙදා සිදුවන වෙළඳාම් පිළිබඳව තොරතුරු ලබා දෙනව. ඒ වගේම ඔයාලට පුළුවන් කොටස් වෙළඳපළ මගින් නිකුත් කරන දිනපතා, සතිපතා, මාසික, කාර්තු, වාර්ෂික වාර්තා පරික්ෂා කරන්න, ඒව ඔවුන්ගේ වෙබ් අඩවියෙන් නොමිලේම ලබා ගත හැකියි. මෙම වාර්තා වල, වෙළඳපළ පිළිබඳ සංඛ්‍යාලේඛන, කොටස් මිල ගණන්, වෙනත් ප්‍රයෝජනවත් තොරතුරු අඩංගු වෙනවා.

මේ ඔක්කොටම අමතරව ඒ ඒ කොටස් තැරැව්කාර සමාගම්, කොටස් වෙළඳපළ පිළිබඳව සමීක්ෂණයන් සිදුකර සකස් කරන ලද සමීක්ෂණ වාර්තාද ඔබට එම සාමාගම් වෙතින් කියවිය හැකියි.
මේ හැමදෙයක්ම බලල ඔබට පුළුවන් වෙළඳපළ පිළිබඳව හරි හැටි අවබෝධ කර ගැනීමට. මීළඟට බලමු ඒ ඒ සමාගම් ගැන දැනගන්න හැටි.

කොටස් වෙළඳපළ පිළිබඳ පරණ ලිපි කියවන්න.

පින්නවල සාමා

10:38:00 PM Pinnawala Elephants Orphanage 1 comment

මේ කියන්න යන්නෙ සෙනෙරක් (සෙනෙර කියන්නෙ අලියගෙ ගෑණු සතා හොඳේ) ගැන. මෙයාගෙ නම "සාමා", ඉන්නෙ පින්නවල අලි අනාථාගාරයේ.
මෙයාව එක්ක ඇවිල්ල තියෙන්නෙ ලංකාවෙ උතුරු කරයෙන්. යුද්ධයෙන් අනාථ වෙච්ච තවත් අසරණයෙක්. බිම් බෝම්බයකට කකුල තියල ඉස්සරහ දකුණු කකුලෙන් කොටසක් ඉවත් කරන්න වෙලා (අඟල් 6ක පමණ කොටසක්). දෑන් ඇය ඇවිදින්නෙ පාද 3කින්.
දැන් ඇයට වයස අවුරුදු 15කට වැඩියි. (මට හරිම වයස දැනගන්න බැරි උනා)
ඇවිදින එක කොච්චර අමාරු උනත් ඇය කැමති නෑ එක තැනට වෙලා ඉන්නවත් ඇයව රංචුවෙන් ඉවත් කරල තියෙනවටත්, බැරි බැරි ගානෙ හරි රංචුව එක්ක එහෙ මෙහෙ යනව. (නාන්නත් යනව.) ඔබට පේනවනම් මෙම ඡායාරූප වල, මේ කකුලෙ ප්‍රශ්නෙ හින්ද එයාගෙ අනිත් ඉදිරි පාදයත් කොඳු ඇට නාරටියත් දැනටම ඇද් වෙලා තියෙන්නෙ, ඒ නිසා ඉදිරියෙදි ඇයට තවත් ප්‍රශ්න එන්න ඉඩ තියෙනව.

ඇය වෙනුවෙන්ම වෙබ් අඩවියක් පවා සාදා තිබෙනවා, ඇයට බොරු කකුලක් බද්ධ කිරීම සඳහා ආධාර එකතු කිරීමට.
http://www.luckysama.de/index_e.html
(මෙම ඡායාරූපය ගත්තේ ඊයෙ (28 සෙනසුරාද.) මම, මගෙ අක්කා සහ එයාගෙ යාළුවො 3න් දෙනෙක් සමඟ පින්නවල අලි අනාථාගාරය බලන්න ගිය වෙලාවෙ. ඊට පස්සෙ නුවර ගිහින් අද හවස තමයි ගෙදර ආවෙ. ඉක්මනට නිදා ගන්න හිතුවත් මේක ගැන ලියලම නිදා ගන්න හිතුන.)

Chrome OS අද හෙටම එනවා

7:23:00 PM chrome, chrome OS, google 5 comments

පසුගිය නොවැම්බර් 17 වනදා ගූගල් මගින් Chrome OS සම්බන්ධව විශේෂ සම්මන්ත්‍රනයල් තිබ්බලු, Chrome OS සම්බන්ධ Demos හා එහි අඩංගු විවිධ දේ සම්බන්ධව විස්තර කරන. එය ලබන අවුරුද්ද මුලදී එළි දැක්වීමට බලාපොරොත්තු වෙන බවත් එහිදී සාකච්ඡා වී තිබෙනව.
ඒත් විශ්වාස කටයුතු ආරංචි මාර්ගයකින් දැනගන්න ලැබිල තිබෙනව (මට නෙමෙයි හොඳේ, TechCrunch එකේ කට්ටියට), තව සතියක් පමණ ඇතුළත Google Chrome OS එළි දැක්වෙන වග.
Chrome OS එක open source, සරළ, වේගවත්, වඩා ආරක්ෂිත හා සැහැල්ලු OS එකක් කියලයි කියැවෙන්නෙ, විශේෂයෙන්ම NetBooks ඉලක්ක කරමින්ලු මේක එන්නෙ.

"We're designing the OS to be fast and lightweight, to start up and get you onto the web in a few seconds. The user interface is minimal to stay out of your way, and most of the user experience takes place on the web. And as we did for the Google Chrome browser, we are going back to the basics and completely redesigning the underlying security architecture of the OS so that users don't have to deal with viruses, malware and security updates. It should just work."

Chrome OS එක දුවන්නෙ Linux Kernel එකක් මත, අලුත් windowing system එකක් එක්ක.
මෘදුකාංග ලියන්නන්ට platform එක වෙන්නෙ අන්තර්ජාලය. සියළුම web applications මේ මත ක්‍රියා කරන අතර, ඔබ කැමතිම ජාල ක්‍රමලේඛ මලින් අළුත් මෘදුකාංග ලියන්න පුළුවන්.

අපිත් බලා ඉමු නේද මේක එනකං?

මැක් වලටත් දැන් ගූගල් ක්‍රෝම්

1:59:00 AM chrome, google, mac 2 comments

2008 සැප්තැම්බර් ඉඳල හැමෝම ක්‍රෝම් පාවිච්චි කරද්දි මැක් පරිශීලකයින්ට හිතෙන්න ඇතිනෙ අනේ අපිට කෝ ක්‍රෝම් කියල. ඔන්න ඔයාලටත් ක්‍රෝම් ලැබෙන්නයි යන්නෙ. මැක් වෙනුවෙන් ක්‍රෝම් වල බීටා සංස්කරණයක් ඉදිරි දෙසැම්බර් මාසෙදි නිකුත් aකරන්න යනවලු.

කොහොම හරි මාස තුනක් විතර යයිලු ඒකෙ බීටා කියන කෑල්ල නැති වෙන්න, ඒ කියන්නෙ 2010 පෙබරවාරි වගේ වෙනකොට මැක් කස්ටියට ක්‍රෝම් එනව මුල්ම සංස්කරණය විදිහට.

මේව හරියටම හරි දවස් නෙමෙයි, නමුත් මේ කාලය තුළ මේව සිද්ද වෙන්න පුළුවන්.

මෙන්න මෙතන බලන්නකෝ.

http://www.google.com/chrome/intl/en/mac.html

Greased Lightbox

→←+-↻

Loading image

Click anywhere to cancel

Image unavailable

ට්විටරය දැන් තවත් දියුණුයි

11:19:00 AM twitter 3 comments

දැනට ට්විටරය පාවිච්චි කරන්න පුළුවන්, ඉංග්‍රීසි හා ජපන් භාෂාවෙන් පමණයි, නමුත් එය ප්‍රංශ, ඉතාලි, ජර්මන් හා ස්පාඤ්ඤ භාෂා වලිනුත් භාවිතා කළ හැකි ලෙස සකසන්නට එහි නිර්මාපකයන් වෙහෙසෙනවා.

ඔයාලටත් කෑමති නම් සහභාගි වෙන්න පුළුවන්. ඔවුන් කුඩා ස්වේච්ඡා කණ්ඩායම් වලට ආරාධනා කරනව, ඔවුන් සමඟ එකතු වෙන්න කියල, පරිවර්තන කටයුතු සඳහා.
මේකෙන් ට්විටරය සමඟ සසම්බන්ධ වන පිරිස ඉතා විශාල ලෙස ඉහළ යාවි යෑයි එහි නිර්මාපකයන් බලාපොරොත්තු වෙනවලු.

Google Wave - සරළව

8:53:00 AM google, Google Wave 4 comments

ගූගල් සමාගම Google Wave ගිණුම් කස්ටියට බෙදුව මතක ඈතිනෙ, අපේ මේ බ්ලොගෝලයේ කිහිපොඅ දෙනෙක්ටත් ලැබුන කියල ආරංචියි, මට නම් ලැබුනෙ නෑ. :(
ඒකටත් වාසනාව ඕනෙ, හම්බ වෙච්චි අයට පුළුවන් තවත් අයට මේකට ඈරයුම් කරන්න, නමුත් ඒ අයටත් එක පාරටම දෙන්නෙ නෑ, ගූගල් කට්ටිය කැමති නම් විතරයි දුන්නෙ.

කොයික කෙසේ වෙතත් ඒ ගිණුම් ලබා ගත්තු හුඟක් අයට google wave ගැන හරි හැටි දැනුමක් නෑලු. ඉතින් මිනිස්සුන්ට දැන ගන්න ඕනෙලු මේක කොහොමද වැඩ කරන්නෙ කියල.
බලන්නකො මෙන්න මෙ විඩියෝ එක, ඒකෙ තියෙනව ගූගල්ල ගූගල් වෙව් ගැන කියල දුන්න හැටි.

මෙන්න මේවයෙ තියෙන්නෙත් ගූගල් වේව්හි විවිධ ක්‍රියාකාරිත්වයන්. හැබැයි මේව නම් හරිම පොඩි විඩියෝ ක්ලිප්ස්.

Google Wave තාම තියෙන්නෙ Preview කියල. අඩු ගානෙ Beta සංස්කරණයක්වත් නෙමෙයි. සමහර කොටස් තවම තියෙන්නෙ Under Construction තත්වයේ.
නමුත් ඒ සඳහා විවිධ gadgets නිෂ්පාදනය කිරීමට ගූගල් සමාගම ඉඩ දී තිබෙනව.

ඔන්ලයින් වර්ඩ් ප්‍රොසෙසරයකින් බ්ලොග් ලිපියක් ලියුවෙමි.

8:19:00 PM online tools, web sites 7 comments

මේක මම ලියන්නෙ www.zoho.com වල තියෙන zoho writer එකෙන්, මේක online word processor එකක්, google writer එක වගේ (හැබැයි ඊට වඩා දියුණුයි), මෙතනින්ම බ්ලොග් එකකට පෝස්ට් කරන්න පුළුවන්. මෙතන තියෙන WIZWIG editor එකේ ගොඩාක් options තියෙනව, සාමාන්‍ය blog editor එකට වඩා.

මේ තියෙන්නෙ zoho writer එකේ පෙනුම.

මේ වගේ සංකේත, සමීකරණ දාන්නත් පුළුවන්.

මේ වගේ smilies දාන්නත් පුළුවන්.

තව හුඟක් දේවල් දාන්න පුළුවන්, වගු, ඉරි, headers, footers, page numbers, etc....

spell check එකක්, thesaurus එකක්, MS word වල තියෙන තවත් options ගොඩක් තියෙනව, ආ, mail merge හිටං තියෙනව. font එක වෙනස් කරන්න (ෆොන්ට් ජාති ගොඩක් තියෙනව), superscript, subscript, colouring text, etc...

මෙතන ඉඳන්ම document එක mail කරන්න, blog එකට යවන්න, ......

ට්‍රයි කරල බලන්නකො, http://www.zoho.com

මෙතන තව හුඟක් දේවල් කර්න්න පුළුවන්.

මේ තියෙන්නෙ එතනදි කරන්න පුළුවන් වෑඩ.

	Zoho Show Online presentation tool		Zoho Invoice Online Invoicing. Quick and Easy
	Zoho Writer Online word processor		Zoho Reports Online Database & Reporting
	Zoho CRM On-demand Customer Relationship Management solution		Zoho Creator Online web applications creator
	Zoho Planner Online organizing tool		Zoho Docs Online Document Management
	Zoho Sheet Online spreadsheet service		Zoho Meeting Web Conferencing
	Zoho Share Centralized Public Repository		Zoho Notebook Online Note Taker
	Zoho Projects Project Management		Zoho Wiki Online Wiki with public, private & group permissions
	Zoho Chat Instant messaging and group chat tool

මමත් දැම්ම මගෙ බ්ලොග් එකට E-Newsletter එකක්

10:39:00 PM google No comments

ඔන්න මම මගෙ බ්ලොග් එකට e-newsletter එකක් දැම්ම, එන කට්ටිය ඒකට subscribe වෙන්න හොදේ. කරදරකාර මේල් නම් එවන්නෙ නෑ, වැදගත් මේල් තමයි එවන්නෙ. හැමදාම එවන්නෙත් නෑ, කාලෙන් කාලෙට තමා එවන්නෙ.

මේක දැම්මෙ Google Friend Connect එකෙන්. බලන්නකො ගිහින්. එතන පහළින්ම මෙන්න මේ වගෙ එකක් තියෙනව, එතනින් තමයි මේක දා ගන්නෙ.

ඔයාලත් දාල බලන්න.

කොටස් වෙළඳ පළ ගැන වැඩිපුරම ඈසෙන ප්‍රශ්න

9:43:00 PM share market 5 comments

කොටස් වෙළඳපළ ආයෝජනය ගැන යම්ම හෝ සිතිවිල්ලක් ඈති සෑම කෙනෙක්ම අසන පළමු ප්‍රශ්නය,
මම කොටස් මිලදී ගත්තොත් මට හැම වෙලේම ලාභ ලැබෙනවද?
අපොයි නෑ.
කුමන ආකාරයක ආයෝජන ක්‍රමයක් උනත් ඒකෙ අවදානමක් තිබෙනව. අවදානම වැඩි වෙන තරමට ඒකෙන් ලැබෙන ලාභය වැඩියි. නමුත් ඉතින් හැමෝම එහෙම අවදානමක් ගන්න කැමති නෑනෙ, නේද?
ඒක නිසා තමයි, ඔබට ගැළපෙන ආයෝජන ක්‍රමය ඔබ තෝරා ගත යුත්තේ.
ඒ සඳහා මෙන්න මේ දේවල් ගැන සොයා බැලිය යුතුයි.

එමගින් ලැබෙන ලාභය
ඔබ දරන්නට කැමති අවදානමේ ප්‍රමාණය
ඔබගේ ආයෝජනය යළි මුදල් බවට පත් කරගැනීමට ගත වන කාලය

කොටස් මිලදී ගැනීම, ලාභය වැඩි, අවදානමකුත් තිබෙන, ඉතා ඉක්මනින් ආයෝජනයන් යළි මුදල් බවට පත් කරගත හැකි, අයෝජන ක්‍රමයක්.
ඔබ දරන්නට කැමති අවදානමේ තරම තමයි ඔබට තීරණය කරන්න වෙන්නෙ.
බය වෙන්න එපා. ඔබ වැඩේට බැස්සට පස්සෙ ඔබ තනියම නෙමෙයි ඉන්නෙ, ඔබේ ආයෝජන උපදේශකයා ඔබට හැම වෙලේම උපදෙස් දෙන්න සූදානමින් ඉන්නෙ. ඔහු/ඈය කියල දේවි, ඔබේ මුදල් වලින් උපරිම ලාභයක් ගන්න විදිහට ආයෝජනය කරන හැටි.

කොටස් වෙළඳපළ තත්වයට මූලිකව බලපාන ප්‍රධාන සාධක කිහිපයක් තිබෙනව.

පොළී අනුපාතික වල වෙනස් වීම්
රටේ ආර්ථික තත්වය
රටේ දේශපලනික ස්ථාවරත්වය
තවත් අන්තර්ජාතික තත්ව

මෙම සාධක එකතු වී, කොටස් වෙළඳපළ තත්වයට බලපෑම් ඈති කරනව.
උදා: රටේ පොළී අනුපාතික පහළ යන විට ආයෝජකයින් කොටස් වෙළඳපළ ආයෝජනය දෙසට හැරෙන්න ඉඩ තියෙනව, එමගින් කොටස් මිල ඉහළ යාමක් වෙන්න පුළුවන්.
රට තුළ ඡන්දයක්/දේශපාලනික අස්ථාවරත්වයක් ගොඩනැගෙනවනම් කොටස් මිල පහළ යනව.

එම නිසා, කොටස් වෙළඳපළ සම්බන්ධව හා රටේ ආර්ථික තත්වය සම්බන්ධව ලොකු දෑනුමක් නොමැති කෙනෙක්ට, කොටස් වෙළඳපළ ආයෝජනය තුළින් ලාභ ලබා ගන්න නම්, ඒ සම්බන්ධයෙන් හොඳ දැනුමක් ඈති තැරැව්කාර ආයතනයෙන් ඔබට ලබා දෙන ආයෝජන උපදේශකගෙ උපදෙස් ලබා ගැනීම ඉතා වැදගත් වෙනවා.

තව ප්‍රශ්න වලට උත්තර ඉදිරියට.

කොටස් වෙළඳපළ සම්බන්ධ මුල් ලිපි කියවන්න.

ගූගල් තුළ ඈති ඔබේ තොරතුරු එක වහලක් යටට

7:35:00 PM google No comments

ගූගල් විසින් Google Dashboard කියල එකක් දියත් කරල තියෙනව. එමගින් ඔබ පාවිච්චි කරල සියළුම ගූගල් නිෂ්පාදන පිළිබඳ සියළු තොරතුරු, ලින්ක්, ඒවා කළමණාකරනය කරගැනීමට පහසුකම් සළසල තිබෙනව.

Gmail, Calendar, Docs, Web History, Orkut, YouTube, Picasa, Talk, Reader, Alerts, Latitude, Friend Connect, Health, Profile, Contacts, Tasks, and Web History මෙන්න මේ ටික තමා දෑනට Googla Dashboard එකේ තියෙන්නෙ, Google Analytics, Checkout, App Engine, Bookmarks, Base, Groups, Sites, Knol, Local Business Center, Maps, Merchant Center, News, Notebook, Webmaster Tools, Subscribed Links, and Toolbar sync, මේ ටික තාම එතනට දාල නෑ, ලඟදිම දානවලු.

මෙන්න මෙතනට ගියොත් ඔයාලට ඔයාලගෙ dashboard එකට යන්න පුළුවන්.
https://www.google.com/dashboard/

මෙන්න තියෙනව ඒක ගැන පොඩි විඩියෝ එකක්, ඒකත් බැලුවම හොඳ අදහසක් ඒවි.

ගූගල් ක්‍රෝම් වෙබ් බ්‍රව්සරයේ අලුත්ම බීටා සංස්කරණය bookmark sync පහසුකම සමඟින්

12:31:00 AM bookmark sync, chrome, google 3 comments

ගූගල් ක්‍රෝම් වෙබ් බ්‍රව්සරයේ අලුත්ම බීටා සංස්කරණය bookmark sync පහසුකම සමඟින් නිකුත් සර තිබෙනවා.

"For those of you who use several computers -- for example, a laptop at work and a desktop at home -- you've asked for a way to keep your Google Chrome bookmarks in sync across multiple computers," explains Google. "Today's new beta release allows you to do just that! You can keep your Google Chrome bookmarks synchronized and up-to-date across the multiple computers you use, without needing to manually recreate your bookmarks every time you use a different computer."

බලන්නකෝ මේක, මේකෙන් පෙන්නනව ඒක පාවිච්චි කරන හැටි.

මෙම පහසුකම ක්‍රියාත්මක කළ පසු, ඔබ පාවිච්චි කරන පරිගණක වලින් එකක හෝ bookmarks වල වෙනසක් කරන විට අනෙකුත් සියළුම පරිගණක වල එම වෙනස තත්පර කිහිපයකින් සිදු වෙනව.

තවත් කතාවක් ගූගල් කියනව, පෙර ස්ථායි සංස්කරණයට වඩා මෙම අළුත් සංස්කරණය 30% වඩා වේගවත්ලු, සහ එය ගූගල් ක්‍රෝම් පළමු සංස්කරණයට වඩා 400%ක වේගය වැඩි වීමක්.

මෙතන තියෙනව ඒක ක්‍රියා කරවන හැටි.

බීටා සංස්කරණය මෙතනින් බාගන්න.

http://www.google.com/intl/en/landing/chrome/beta/

මෙ ජීවිතය බේරා ගනිමු

10:42:00 PM help needed No comments

මේ අපේ කැම්පස් එකේ අපිට යට බැච් එකක කොල්ලෙක්, නම අසංක. ඔහුට වකුගඩු ආබාධයක් තිබෙනව, පොඩ්ඩක් උදව් කරමු නේද?

මගෙ ඉංග්‍රීසි බ්ලොග් එකේ වැඩි විස්තර තියෙනව, පොඩ්ඩක් කියවල, පොඩි උදව්වක් දෙන්න පුළුවන් නම් ලොකු පිනක් වේවි. මම මේක දාන්න ටිකක් කල් ගියා, ඒ සම්බන්ධයෙන් සමාව අවසර.

මෙන්න ලින්ක් එක.

http://madhawablogs.blogspot.com/2009/10/help-to-save-valuable-life.html

ගිය සතිය

9:04:00 PM today 5 comments

කතා කරල වෑඩක් නෑ. හරිම කරදර සතියක්. කරදර කිව්වට කරදර නෑ, වැඩ ටිකක් වැඩී. අපේ ගුණපාල සර් වෙනුවෙන් බණක් තිබ්බනෙ බදාද, ඒකෙ වෑඩ තිබ්බ, එදා හවස වැස්සට තෙමිල බ්‍රහස්පතින්ද උණ ගැනුන. පෙනඩෝල් වලින් ගොඩ දාගත්තෙ. අපේ අක්කගෙ රිසර්ච් රිපෝට්ස් ටිකක් හදන්න මම පොඩ්ඩක් හෙල්ප් කළා, ඒවයෙ ප්‍රින්ට් අවුට් ගත්තෙ මම. A4 බන්ඩලයකුයි කාට්‍රිජ් එකහමාරකුයි ඉවර කළා. සිකුරාද එයා අපේ කෑම්පස් එකට ඈවිල්ල ඒව අරගෙන ගියා. අපේ කෑම්පස් එක ඉස්සරහින්මයි බයින්ඩ් කර ගත්තෙත්.
මට පිං දි දී ගියා.
අදත් ආපහු ටිකක් උණ ගතියක් තියෙනව වගේ, හෙට උදෙන්ම බේතක් ගන්න ඕනෙ, අද හවස බේත් ගන්න යන්න හිතාන හිටියෙ, ඒත් එලියට බහින්න බැරිවෙන්න වැස්සනෙ. හික්ස්.

කොටස් වෙළඳපළ ආයෝජනය ගැන රුපවාහිනී වෑඩසටහනක් ලඟදීම

11:06:00 PM share market No comments

Google Friend Connect එක දැන් Wordpress වලටත්

9:12:00 PM google, wordpress, ගූගල් 1 comment

Google Friend Connect ගෑන දන්නවනෙ? ඔන්න දෑන් එම ප්ලගිනය Wordpress සඳහාත් සකසල. මෙමගින් කියවන්නන්ට මෙම wordpress බ්ලොග් සඳහාත් Google, OpenID, yahoo, AIM, හරහා ලොග් වෙන්න පුළුවන්. මෙමගින් ලොග් වන විට, එම ප්ලගිනය මගින් ඊට අදාල ලෙස wordpress ගිණුමක් අරඹනවාලු.

කවුරු හරි ලිපියකට අදහස් දෑක්වු විට ඒවා Friend Connect activity stream එකේ පෙන්නනවා.

වෑඩි විස්තර සඳහා ගූගල් කෝඩ් වෙබ් අඩවියට යන්න.

උදාහරණ හා ආදර්ශන මෙතනින් හා මෙතනින් බලන්න.

කොටස් වෙළඳපළ ආයෝජනයේ අනෙකුත් වාසි

11:01:00 PM share market 4 comments

සමාවෙන්න ඕනෙ ටිකක් පරක්කු උනාට. මේකෙ මුල් ලිපිය පළ කරල මාසෙකටත් වැඩියිනෙ. කමක් නෑ, එහෙනම් පටන් ගනිමු.

අර මුලින් කිව්ව ප්‍රධාන වාසි වලට අමතරව මොනවද තියෙන අමතර වාසි?

ඔබට අවස්ථාව ලැබෙනව එම සමාගම් වල වාර්ෂික රැස්වීම් වලට සහභාගි වීමට හා එම රැස්වීම වලදි ඡන්දය ප්‍රකාශ කිරීමට (ඔබ ඡන්ද බලය සහිත කොටස් නම් අරන් තියෙන්නෙ.)
එම කොටස් හිලව්වට තබා බැංකු ණය ලබා ගැනීමට.
තවත් කිහිපයක් තිබෙනව.

Right Issues, Bonus Issues සහ Share Splits

මොනවද මේ Right issues?

සමහර සමාගම්, කාලෙකට තමුන්ගෙ කොටස් අඩු මිලට මිලදී ගන්න කොටස් හිමි කරුවන්ට ඉඩ දෙනව. එම කොටස් වල වටිනාකම පෙර තීරණය කරනු ලැබූ අගයක්. ඒක බොහෝ විට සාමාන්‍ය වෙළඳපළ අගයට වඩා පහළ එකක්, හැබැයි එහෙම නොවෙන්නත් පුළුවන්.

මෙහිදී වෙන්නෙ, එම සමාගමේ කොටස් හිමියන්ට පුළුවන්, අනුපාතයක් ලෙස අඩු මිලට එම සමාගමේ කොටස් මිලදී ගන්න.

උදා: ABC සමාගම එම සමාගමේ කොටස් හිමියන්ට එක කොටසක මිල රු.10 බැගින් කොටස් 10කට එක බැගින් right issues නිකුත් කරනව. ඔබ ලඟ ABC සමාගමේ කොටස් 1000ක් තිබේ නම් ඔබට පුළුව්න් රු.10 බැගින් එම සමාගමේ කොටස් 100ක් right issues විදිහට මිලදී ගන්න.

සාමාන්‍යයෙන් right issues නිකුත් කරනව කිව්වම, එම සමාගමේ කොටස් වල මිල ඉහළ යනව, එතකොට ඔබට පුළුවන් ඉහල ලාභයක් තියාගෙන ඔබ ලඟ ඇති එම සමාගමේ කොටස් විකුණන්න. Right issues දුන්න කියල ඒක මිලදී ගැනීම අත්‍යවශ්‍ය නෑ, ඕනෙ නම් විතරයි ගන්න ඕනෙ. මෙහෙම දෙන්නෙ කාලෙකට විතරයි, එම කාල පරාසය එම right issues නිකුත් කිරීමත් සමඟම කියනව, ඒකට කියන්නෙ Ex-Rights Period ("XR") කියල.

එතකොට Share Splits?

සමහර වෙලාවට සමහර සමාගම්, තමුන්ගෙ කොටස් කැබලි වලට කඩනව. ඒකත් අර ඉස්සෙල්ල වගේම දවසක් තීරණය කරල කරන දෙයක්.

මේකෙන් බලාපොරොත්තු වෙන්නෙ share volume එක ඉහළ නැංවීම හා කොටස් වල මිල පහළ හෙලීම වගේ දේවල් තමයි.

උදා: ABC සමාගම කියනව, මෙන්න මේ දවසින් පස්සෙ අපේ සමාගමේ කොටස් එකක් දෙකකට බැගින් බෙදනව කියල. ඔබ ලඟ ABC සමාගමේ කොටස් 100ක් තිබෙනවනම්, එම දිනෙන් පසු ඒක 200ක් වෙනව.

Bonus Issues හෙවත් Capitalization of Funds

සමහර වෙලාවට සමහර සමාගම් මෙහෙම වැඩත් කරනව, එයාල කියනව, අපේ කොටස් හිමිකරුවන්ට, අපි නොමිලේ කොටස් දෙනව කියල. මේකෙන් එම සමාගමට මුදල් ලැබෙන්නෙ නම් නෑ, නමුත් ඒ කොටස් වල වටිනාකම කොටස් හිමියාට ලැබෙනව.

උදා: ABC සමාගමේ කොටස් හිමිකරුවන්ට කොටස් 10කට එක කොටස බැගින් නොමිලේ කොටස් දෙනව කිව්වොත්, ඔබ ලඟ එම සමාගමේ කොටස් 100ක් තිබෙනවනම්, ඔබට පුළුවන් මෙම නොමිලේ ලබා දෙන කොටස් 10 අරගෙන ඔබ ලඟ ඇති එම සමාගමේ කොටස් ටික 110ක් කරගන්න. පොඩි දුක හිතෙන කතාවක් නම් තියෙනව, bonus issues හුඟ කාලෙකින් කවුරුවත් දීල නෑ.

වාසි ඉවරයි, තවත් හොරතුරු ඉදිරියට.

කොටස් වෙළඳපළ සම්බන්ධ මුල් ලිපි කියවන්න.

මයික්‍රොසොෆ්ට් හා ගූගල්, ට්විටරය සමඟ ගිවිසුම් ගසති

10:58:00 PM google, microsoft, twitter, මුහුණු පොත 2 comments

මේ දෙගොල්ලො, ට්විටරයේ ස්ටේටස් අප්ඩේට්ස් බිං හා ගූගල් සෙවුම් වලට ඇතුළත් කිරීමට අවසර ඉල්ලා ගිවිසුම් ගහලලු. මුහුණු පොත සමඟත් මෙහෙමම කතා කරල කියලත් ආරංචියි.

Google's Marissa Mayer writes:

...we are very excited to announce that we have reached an agreement with Twitter to include their updates in our search results. We believe that our search results and user experience will greatly benefit from the inclusion of this up-to-the-minute data, and we look forward to having a product that showcases how tweets can make search better in the coming months. That way, the next time you search for something that can be aided by a real-time observation, say, snow conditions at your favorite ski resort, you'll find tweets from other users who are there and sharing the latest and greatest information.

http://googleblog.blogspot.com/2009/10/rt-google-tweets-and-updates-and-search.html

හැබැයි මේකත් එක්ක තවත් අනතුරුදායක තත්වයක් එනව, තමුන්ගෙ යාළුවන්ට විතරක් දැනගන්න දාන ස්ටේටස් එක (සමහරවිට පෞද්ගලික දේවලුත් දානවනෙ.) මුළු ලෝකයාටම මේක නිසා පේන්න සැළැස්වෙනව.

නමුත් කියැවෙන්නෙ එහෙම වෙන්නෙ නෑ කියල. මුහුණු පොත එහෙම, එසේ සෙවුම් යන්ත්‍ර වල ලැයිස්තුගත වන ඒව සීමා කරන්න, තේරීමක් කරන්න, අවශ්‍ය තේරීම් කිරීමට හැකි ලෙස සැකසුම් හදාවිලු.

මොකද වෙන්නෙ කියල ඉතින් පොඩ්ඩක් බලා ඉන්න තමයි තියෙන්නෙ.

වින්ඩෝස් 7 ගැන

8:34:00 PM windows, windows 7 No comments

වින්ඩෝස් 7 ගැන යූටියුබ් එකේ තියෙන විඩියෝ කිහිපයක්.

මේ වින්ඩෝස් 7 නිකුත් කිරීම සම්බන්ධයෙන් කතාවක්.

මේ පොඩි විචාරයක්

මේ තවත් විචාරයක්

මෙන්න විස්ටා සමඟ සැසඳීමක්

ට්විටරය ට්වීට් බිලියන 5 ඉක්මවයි

10:58:00 PM twitter 1 comment

මොකද්ද දන්නවද ඒ ට්වීට් එක? "Oh Lord"
මේක ආවෙ ට්විටරයේ සේවකයෙන්ගෙන්වත්, ප්‍රසිද්ධ පුද්ගලයෙකුගෙනවත් නෙමෙයි, "bio writer and web generalist" කෙනෙකුගෙන්. නම Robin Sloan.

කොටස් වෙළඳ පළ මේ දවස් වල

4:57:00 PM share market, today 10 comments

ළමයි දන්නවද මේ දවස් වල මාකට් එක ගන්නම දෙයක් නා, ඔක්කොම වගේ බැහැගෙන බැහැගෙන යනව. මේ ඔක්කොටම හේතුව අර දෙමළ ඇමරිකන් ඩයල් එක කරපු වංචාව. ඒ යකා හැම එකෙන්ම වගේ කොටස් අරන් තිබ්බ නිසා,
දැන් මාකට් එක හිටු කියල බහිනව. පහු ගිය දවස් කිහිපයේම මාකට් එකේ තත්ත්වෙ ඍණ ගියේ. අදත් එහෙමම තමා. බලන්නකො අද තත්වෙ.

මෙහෙම බැස්මක් නම් මතක ඇති කාලෙක තිබ්බෙ නෑ. (දන්න කාලෙක.) හැබැයි ළමයිනේ ටික දවසකින් මේක ආපහු හරියනව, වැඩේට බැහල කොටස් ටිකක් අරන් තියන්න පුළුවන් නම් ගොඩේ ගොඩ තමා. ආයි හොඳ ලාභයක් ගන්න පුළුවන් වෙනව ෂුවර්.

කාලෙකට පස්සෙ.

10:25:00 PM today 2 comments

කාලෙකට පස්සෙ කිව්වට සතියක් වගේ නේද? මාරම විදිහට බිසී උනා පහුගිය සති වල. ගිය සතියෙ ටෙක්නෝ නිසා, මේ සතියෙ අපේ ඩිපාර්ට්මන්ට් එකේ සර් කෙනෙක් නැති වෙලා ඒ මල ගෙදර නිසා. කිසිම වෙලාවක් තිබුනෙ නෑ අඩු ගානේ හරියකට මේල් චෙක් කරගන්නවත්. මූණු පොත පැත්තෙවත් යන්න බැරි උනා, ෆෝන් එකෙන් තමයි ස්ටේටස් අප්ඩේට් කළෙත්.
කොහොම හරි මේ වැඩ ගොඩ නිසා මගෙ බර කිලෝ 2,3 ක්වත් අඩුවෙන්න ඇති. ලබන සතියත් ටිකක් වැඩ අධික ලෙස ගෙවිල යාවි, මේ සතියෙ කරන්න බැරි වෙච්චි ලෙක්චර් වලට අමතර ලෙක්චර් කිහිපයක්ම දැම්ම. ඒ මදිවට "HRM and Industrial Relations" subject එකේ inclass test එකක් තියෙනව කිව්ව ලබන සතියෙ, අඩු ගානෙ ඒකෙ නෝට්ස් ටිකවත් හරියට නෑ.
techno 2009 ගැන පසු වදනක් ලියන්න හිටියෙ. (මම එතන දවස් දෙකක් හිටියනෙ, අර මම මුලින් කිව්ව ප්‍රදර්ශන කුටියෙ.) නමුත් වෙලාවක් ලැබුනෙ නෑ, දැන්නම් බෑ කොහොමවත්. අපේ ගුණපාල සර් ගැන නම් පොඩි හරි ලිපියක් ලියන්න ඕනෙ.
ඒ අස්සෙ කොටස් වෙළඳපළත් හෝ ගාල නගිනව, ඒක බලන්නවත් වෙලාවක් නෑ, මට සැළකිය යුතු ලාභයක් ගන්න පුළුවන් දැන් මගෙ ලඟ තියෙන කිහිපයක් වික්කොත් නම්.
තව කියන්න දේවල් නම් තියෙනව, ඒත් කම්මැලී ලියන්න. සතියක්, දෙකක් එකතු වෙච්චි මේල් ටික බලන්න ඕනෙ, මූණු පොතේ මොකද වෙලා තියෙන්නෙ කියල බලන්න ඕනෙ, වැඩ ගොඩයි. බලමුකෝ.

ලංකාවටම විදුලිය නැති වීමට හේතුව

10:31:00 PM today 1 comment

හැමෝටම හරිම ප්‍රශ්නයක් වෙලා ඇයි මේ ලංකාවටම එක පාරටම විදුලිය නැති උනේ කියල. (ඇත්තටම මට නම් ඒකෙ කිසිම ප්‍රශ්නයක් නෑ, උඹලටත් හුඟක් වෙලාවට නැතුවැති, හික්ස්. කමක් නෑ).
ඒකට හේතුව තාම හරියටම අනාවරණය වෙලා නෑ, නමුත් පැවසෙන්නෙ, කැලණිතිස්ස විදුලි බලාගාරයෙන් පිට වන වෝල්ට් 132,000 රැහැන් පද්ධතියේ කෙළවරක ඇති සම්බන්ධකයක් (Grid එකක්) පිපිරීම නිසා මෙය සිදු උනා කියල. ඒක තමා හේතුව, නමුත් ඉන්පසු යළිත් හරි හැටි විදුලිය යථා තත්වයට පත් කිරීමට දිගු කාලයක් ගත වීම නම් ප්‍රශ්නයක්. (එහෙම විදුලිය නැවතුනොත් එක පාරටම ආපහු දෙන්න බෑ, යන්ත්‍ර, පරිපථ, නවත්තල, ඕෆ් කරල, ඒව මුල සිට යළිත් ක්‍රියාත්මක කළ යුතුයි. වැරැද්දක් උනොත් එහෙම ආපහු මුල සිට කරන්න ඕනෙ. :( )
මේ පිළිබඳව පූර්ණ පරීක්ෂාවකින් පසුව වාර්ථාවක් ඉදිරිපත් කරන ලෙස ඉහළින් නියෝග ලැබිල තියෙනවලු. ඊට පස්සෙ තමා මොකද වෙලා තියෙන්නෙ කියල හරියටම දැන ගන්න වෙන්නෙ.
මීට ඉස්සර මෙහෙම ලංකාවටම විදුලිය නැති වෙලා තියෙනව එක පාරක් අසූ ගණන් වල. ඒක වෙලා තියෙන්නෙ එකෙක්ගෙ අත් වැරැද්දක් නිසාලු. ඒ වැරැද්ද සිදු කළ පුද්ගලයා පරීක්ෂණ වලින් පසුව දුෂ්කර පළාතකට මාරු කළාලු.

Techno 2009 ගැන

10:08:00 PM IESL, Techno, today 2 comments

මම අද උදේම Techno ගියානෙ. හොඳ වෙලාවට උදේ 10ට ඉස්සෙල්ල යන්න පුළුවන් උනේ. (මම ගෙදර ඉඳන් හොස්ටල් එකටත් ගිහින් තමා ගියේ.) ඇයි 10ටනෙ හමුදා ප්‍රදර්ශනේ පටන් ගන්නෙ, ඊට පස්සෙ ඉතින් යන්න හරිම කරදරයිනෙ. 10ට ඉස්සෙල්ල ගියොත් කිසිම ප්‍රශ්නයක් නෑ, සිරිමාවෝ එක පැත්තෙ ගේට්ටුවෙන් ඇතුළු උනොත් කිසිම කරදරයක් බාධාවක් නැතුව යන්න පුළුවන්, කිසිම් චෙක් කිරීමක්වත් නෑ. මගෙ ලඟ පාස් එකක් තිබ්බ කියලත් වැඩක් උනේ නෑ, ඒක පෙන්නන්නවත් අවශ්‍ය උනේ නෑ කෙලින්ම ඇතුළෙ.
කොහොම හරි ප්‍රදර්ශනේ පටන් අරන් තිබ්බෙ 9ට. ඒත් සෙනඟ නම් නෑ වගේ තමා ඒ වෙලාවෙ නම්, හවස් වෙනකොට නම් සෙනඟ ටිකක් ආව. ඒත් වෙනදට වඩා නම් හරිම අඩුයි. වෙළඳ කුටිත් ටිකක් අඩුයි කියල හිතුන.
කට්ටිය අඩු ඇයි? මට නම් හිතුනෙ, ප්‍රධානම හේතුව විදිහට, "හමුදා ප්‍රදර්ශනය". ඒක 7 වෙනිදයින් අවසන් කරන්නෙ නැතුව 11 වනදා වෙනකම් කල් දාපු එක Techno එකට එන සෙනඟ ප්‍රමානය සැලකිය යුතු ලෙස අඩු කළා. ඒකට එන අය ඒක බලල යන්න යනව, නැත්තම් මහන්සි නිසා මේ පැත්තෙ එන්නෙ නැතුව යනව. කට්ටියක් "හමුදා ප්‍රදර්ශනේ නිසා පාරවල් වහල, යන්න එන්න ගියාම හරිම කරදරයි" කියල හිතල එන්නෙ නෑ. Techno ගැන මේ පාර දැන්වීම් පළ කලත් මදිද මන්ද.
කොහොම හරි, මේ පාර, ගිය පාරටත් වඩා IESL එකට Techno එකෙන් ලැබෙන ලාභය නම් අඩුයි. ගිය සැරෙත් හිතුව තරම් ලාභයක් ලැබුනෙ නෑ. හෙටත් උදෙන්ම යන්න හිතාන ඉන්නෙ. නොගිහින් ඉන්න හිතුවට හෙටත් යන්න තීරණේ කළා.
මම කස්ටියට ආරාධනය කරනව ඇවිත් Techno 2009 බලන්න කියල. මම ඉන්නෙ "JIY" කුටියෙ. (හැබැයි මම හැමතැනම කරක් ගහනව. එක තැන නම් ඉන්නෙම නෑ. හික්ස්.)