Friday, June 24, 2011

පොඩ්ඩක් කණ්ණාඩියත් බලන්න

හුඟ කාලෙකින් ලිපියක්වත් ලියන්න බැරි උනු නිසා චුට්ටි විහිළු කතාවක් ලියල ශේප් වෙන්න හිතුව. තරහක් නෑ නෙ. :)
මෙහෙමයි කතාව. (මේක ලංකාවෙ කතාවක් නම් නෙමෙයි.)
ඔන්න දවසක් අම්ම කෙනෙක් නාන කාමරයට වෙලා නානවලු. මෙන්න මේ අම්මගෙ වයස අවුරුදු 2කේ පොඩි එකා ඇවිල්ල ටොයිලට් පේපර් රෝල දිග ඇරගෙන ඇඟ වටේ ඔතා ගන්නවලු. පොඩ්ඩ මහ විනාසයක් කරල, ඒත් හරිම ලස්සනයිලු.

ඉතින් මේ අම්ම නනා ඉන්න ගමන් දුවල ගිහිල්ල කැමරාව අරගෙන ඇවිල්ල ෆොටෝ ටිකක් ගත්ත. ඒව ප්‍රින්ට් කළාම හරිම ලස්සනට තිබුණු නිසා, අම්ම මේවයින් එකක් දාල නත්තල් සුභ පැතුම්පත් හදල නෑදෑයින්ටත් යැව්ව.
ඔන්න ටික දවසකට පස්සෙ එක නෑ කෙනෙක් කතා කරල හොඳටම හිනා වෙවී මේ කාඩ්පත ගැන කියනව, එයා කිව්වලු හොඳට ඒකෙ තියෙන ෆොටෝ එක බලන්න කියල.
ඉතින් අම්මටත් හරිම ප්‍රශ්නෙ මොකද්ද අවුල කියල. ඉතින් මේ අම්ම ෆොටෝ එක අරගෙන හොඳට බැලුවම තමා දෙලෝ රත් උනේ.........

මොකද වෙලා තියෙන්නෙ?????????????

ෆොටෝ එකේ වැදිල තියෙනව නාන කාමරයෙ තිබ්බ කණ්ණාඩිය.
ඒකෙන් මොනවද පෙනුනෙ????????????????????

අර අම්ම කැමරාව විතරක් අතේ තියාගෙන ඉන්නව.......................... වෙන කිසිම ඇඳුමක් ඇඟේ නැතිව...
හපෝයි...........

Tuesday, May 17, 2011

වර්ෂ 2012, සූර්ය කුණාටු යනු ලෝක විනාශයද???



වර්තමාන ලෝකය, නව තාක්ෂණය මත බොහෝ සේ රඳා පවතින්නකි. එය හුදු පැවැත්ම සඳහාම පමණක් නොවන අතර වර්තමානයෙහි නව තාක්ෂණය මිනිස් ජීවන රටාවෙහි අංගයක් බවට පත්ව ඇත්තේ ගසට පොත්තක් පොත්තට ගසක් යන පැරණි කියමන තව දුරටත් අර්ථ ගන්වමිනි. විදුලි බලය, සන්නිවේදන තාක්ෂණය නොමැති ලෝකයක් ගැන අප හට සිතා ගැනීමටවත් නොහැකි තරම්ය.

මෙම තාක්ෂණය මත රඳා පැවතීම, නැතහොත් එය මිනිස් ජීවන රටාවේ කොටසක් බවට පත්ව තිබීම, පරිසර නියමයන්ට පටහැනිව යාමකි. ස්වභාවධර්මයට අනුව එය බරපතල වරදකි. ස්වභාවධර්මයා විසින් නිර්මාණය කරන ලද ස්වභාවික විපත් නමැති දණ්ඩ නීති සංග්‍රහය මගින් දැනටමත් තාක්ෂණයට ගැති ලෝකයා දඬුවම් විඳියි. මෙය දිනෙන් දින උග්‍ර වන බව, පසුගිය කාලය දෙස ආපසු හැරී බැලීමේදී අප හට පසක් වන කරුණකි.

මෙම ස්වභාවික සංසිද්ධීන් මගින් ඇති වන ප්‍රථිවිපාක වලට බොහෝ සේ වෙනස් ආකාරයෙහි විපතක් නුදුරු අනාගතයේදී පෘථිවි වැසියන්ට අත් විඳීමට සිදුවනු ඇත. එය මුළු මහත් ජීවී සංහතියටම කෙටි කාලීන මෙන්ම දිගු කාලීන ගැටළු ලඟා කරන සිදුවීමක් වනු ඇත. පරමාණු බෝම්බ වැනි විනාශකාරී මිනිස් නිර්මාණ වලින් හැරුනු කොට, එතරම් විනාශයක් කළ හැකි එනම් අපගේ සියළුම අත්‍යවශ්‍ය පද්ධතීන් වල පූර්ණ ඇද වැටීමක් සිදු කිරීම තනිවම කළ හැකි, ස්වභාවික විපත් නොමැති බව යමෙකුට පැවසිය හැකි වුවත් සත්‍ය තත්ත්වය ඊට සපුරා වෙනස් ආරක් ගනී. න්‍යෂ්ටික උපද්‍රව වැනි අමානුෂික විනාශයන් මිනිසාටම වළක්වා ගත හැකි වුවත්, අමානුෂිකව සිතන මිනිස් වර්ගයා කෙරෙහි ස්වභාවධර්මයාගේ ප්‍රතිචාර දැක්වීම කිසිවෙකුට වැළක්විය නොහැකිය. භයානකම සංසිද්ධිය නම් එවැනි විශාල විනාශයක් සිදු කළ හැකි උපද්‍රවයකට පෘථිවි ජීවීන් ඉතා ආසන්නව සිටීමයි. එය නමින් "සූර්ය කුණාටු"!!!

සූර්ය කුණාටු ඇති වන්නේ සූර්ය පෘෂ්ඨය මත ඇති වන සූර්ය ලප වල ප්‍රථිපලයක් වශයෙනි. සාමාන්‍යයෙන්, සූර්ය ලප වසර 11කට වරක් ඇති වන්නකි. චක්‍රාකාරව සිදුවන මෙම ක්‍රියාවලිය අවසන් වරට එහි උපරිමයට ලඟා වූයේ 2001 වර්ෂයේදීය. ආරම්භ වූ පසු එය වසර කිහිපයක් දක්වා පවතින මෙම සූර්ය ලප වල මීළඟ චක්‍රය එහි උපරිමයට ලඟා වන්නේ වසර 2012දී යයි දත්ත වාර්තා මගින් තහවුරු කර ඇත!!!. දැන් අපි සිටින්නේ පසුගිය වසරේ ඇරඹි එම චක්‍රයේ ආරම්භක අවධියේයි.

සූර්ය ලපයක්, විටින් විට ඇති වන දරුණු පිපිරීම් ඇති කරනු ලබයි. මෙම පිපිරීම් සිදුවීමේදී, ආලෝක තරංග, ගැමා විකිරණ, එක්ස් කිරණ සහ විශාල වශයෙන් ආරෝපිත අංශු (coronal mass ejections) අවකාශයට මුදා හරිනු ලබයි. යම් සූර්ය ලපයක් එම පිපිරීම් අවස්ථාවකදී පෘථිවිය දෙසට මුහුණලා තිබේ නම්, එම පිපිරීමෙන් නිකුත් වන ආරෝපිත අංශු, ඒවායේ ශක්තිය හා වේගය මත, පැය 1-4 කාලයක් ඇතුළත පෘථිවි වායුගෝලයට ඇතුළු වෙයි. ආලෝකයේ වේගයෙන් ගමන් කරන අනෙකුත් විකිරණ, මිනිත්තු 8ක පමණ කාලයකින් පෘථිවියට ලඟා වේ.

සූර්යයා මත ඇති වන ප්‍රභල සූර්ය ගිනිසිළුවක්, නිත්‍ය වශයෙන්ම පෘථිව්යට හා එහි පද්ධතීන්ට තදින්ම බලපානු ලබයි. පෘථිවිය මත ඇති සියළු සජීවී හා අජීවී ක්‍රියාකාරී පද්ධතීන්ටද බරපතල හානි සිදු කිරීමට ඊට හැකියාවක් පවතී.

අජීවී පද්ධති සැළකීමේදී, මෙය සෘජුවම විදුලි බලය හා සන්නිවේදන තාක්ෂණය කෙරෙහි ඉහළ බලපෑමක් ඇති කරන්නේ, ඒ සමඟ බැඳී සිටින මිනිසාටද ඔහුගේ ක්‍රියාකාරකම් වලටද බොහෝ බලපෑම් ඇති කරමිනි. සුර්ය කුණාටුවක් මගින්, විදුලි පද්ධතිය මත විශාල ධාරවන් ඇති කිරීමක් සිදු කරනු ලබයි. එනිසා එම පද්ධති වල පවතින ආරක්ෂක පද්ධතීන් හරි හැටි ක්‍රියාකාරී නොවීම නිසා විදුලිය බිඳ වැටී, සම්පූර්ණ විදුලි බල පද්ධතියම අක්‍රිය වීම විය හැකිය. විදුලිබලය වනාහී බොහොමයක් මිනිස් ක්‍රියාකාරකම් සඳහා අත්‍යවශ්‍ය වන්නකි. 1989 මාර්තු මාසයේදී, බරපතල භූ චුම්භක කුණාටුවක් නිසා විශාල විදුලි බල පද්ධති (Hydro-Quebec's Electricity Transmission System) බිඳ වැටීමක් සිදු වූ අතර එය පැය 9ක් දක්වා අක්‍රියව පැවතිනි. එම ආරෝපිත අංශු නිසා හා එක්ස් කිරණ නිසා අයන ගෝලයේ ඇති වන වෙනස්කම් හරහා සන්නිවේදන පද්ධති සම්පූර්ණයෙන්ම වාගේ අඩපණ විය හැකිය. පෘථිවි  කක්ෂ‍යේ රඳවා ඇති ඇමරිකානු ඩොලර් බිලියන 200ක් තරම් වටිනා චන්ද්‍රිකා වලටද බරපතල හානි කිරීමට ඊට හැකියාව පවතී.

සජීවී පද්ධති සැළකීමේදී, විකිරණ විශවීම් නිසා ජීවීන්ට විශාල බලපෑම් සිදුවිය හැකිය. මෙම විකිරණ මගින් සත්ව ශරීර වල ඇති DNA අණු වලට හානි සිදුවිය හැකි අතර එම හානි කෙටිකාලීන හෝ දිගුකාලීන විය හැකිය.

පසුගිය වසර 200ක කාලය තුළ ඇතිවූ බරපතලම සූර්ය කුණාටුව ඇති වුනේ 1859 වර්ෂයේදියි. එම කුණාටුව මුලින්ම වාර්තා කළ රිචර්ඩ් කැරිංටන් නම් අභ්‍යාවකාශගාමියාට ගෞරවයක් වශයෙන් මෙය "කැරිංටන් සංසිද්ධිය" (Carrington Event) නමින් අඳුන්වනු ලැබිනි. මෙම පණිවිඩය, ඇමරිකාව මගින් යුරෝපයට හා ලෝකයේ අනෙකුත් රටවල් වලට පවා ටෙලිග්‍රාෆ් පණිවිඩ හරහා සන්නිවේදනය කරනු ලැබ තිබේ. එම ගිනිසිළුව කෙතරම් විශාලද යත්. පියවි ඇසට පවා පැහැදිලිවම පෙනී තිබෙන අතර එමගින් ඇති කරනු ලැබූ ඌෂාලෝකය හෙවත් අව්රෝරාව (සූර්යයාගෙන් පිට වන ආරෝපිත අංශු පෘථිවි වායු ගෝලයේ අයන ගෝලය හා ගැටීමේදී ඇති වන ඝර්ෂණය කරන කොට ගෙන, එම අංශු දීප්තිමත්ව දැවීමක් සිදුවේ. මෙම අවස්ථාවේදී පිට වන ආලෝකය නිසා අහසේ ඇති වන ආලෝකමත් රටා ඌෂාලෝක නමින් හැඳින්වේ.), සමකාසන්න රටවල් වන කියුබාව, හවායි වලට පවා දර්ශනය වී තිබේ. එම ඌෂාලෝකය මගින් ඇතිවූ ආලෝකය නිසා උතුරු ඇමරිකාවේ රොකී කඳුකරයේ පදිංචිව සිටි රන් ආකර වල පතල් කනින්නන් උදෑසන යයි සිතා අවදි වී වැඩ ආරම්භ කිරීමට සූදානම් වූවා යයිද පැවසේ.

ඉතින් මෙවැනි සිදුවීමක් වර්තමානයේදී සිදු වුවහොත්, අපගේ එදිනෙදා ක්‍රියාකාරකම් වල ඇති අන්තර් සබඳතාවයත්, සන්නිවේදන හා විදුලි සැපයුම් පද්ධති වල ඇති සබඳතාවයත් නිසා, සිදුවිය හැකි විනාශය අති මහත් වන්නට ඉඩ තිබේ. ඉහළ චුම්බක ක්ෂේත්‍රයක් සහිත ධ්‍රැවාසන්න ප්‍රදේශ වලට, කුණාටුවෙන් පිට වන ආරෝපිත අංශු වැඩි වශයෙන් ඇදී යාම නිසා ධ්‍රැවාසන්න රටවල් වලට මෙමගින් සිදු වන හානිය වඩා විශාල වීමට ඉඩක් ඇති නමුදු වාසනාවකට ශ්‍රී ලංකාව සමකාසන්න රටක් වීම සූර්ය කුණටු වලින් අපට සිදුවිය හැකි විනාශය යම් ප්‍රමාණයක් අවම වන්නට හේතුවක් වෙයි. නමුත් විකිරණ වලින් සිදුවන බලපෑම  ඉහළ තත්වයක පවතී.

මෙවන් ස්වභවික විපතක් විය හැකි කාල වකවානු, එවන් විපත් වල විශාලත්වය, 100%ක් නිවැරදිව කිසිවෙකුට පැවසිය නොහැකිය.එම නිසා අප සියළු දෙනාගේම වගකීම වන්නේ, සියළුම වියහැකියාවන් පිළිබඳව අවධානයෙන් සිට ක්‍රියාත්මක වීමයි. පෙරසූදානම, සාර්ථකව ක්‍රියාත්මක වීමටද, ආරක්ෂාකාරී වීමටද, ගත හැකි හොඳම ක්‍රියාමාර්ගයයි.

Tuesday, May 10, 2011

PHP Developers Required | PHP Developersලා අවශ්‍යව ඇත



අපිත් සමඟ එකතු වෙන්න කැමති PHP Devepolersලා ඉන්නව නම් අපි කැමතියි ඔබව අපිත් එක්ක එකතු කරගන්න.

අවශ්‍යතා: ඉතා හොඳ PHP, MySQL පිළිබඳ දැනුමක්, CMS භාවිතා කර තිබීම, වෙලාවට ඉලක්ක සැපිරීමට ඇති හැකියාව
Basic Requirements : Good knowledge in PHP, and MySQL, Has experience in working with CMSs, ability to deliver targets with tight dead lines

ඔබ Joomla, Magenta, VirtuMart සමඟ වැඩ කර තිබේ නම් එය ඉතාමත් හොඳයි.
Knowledge in Joomla, Magenta, VirtuMart would be a definite advantage.

වැඩ කෙරෙන්නෙ කොන්ත්‍රාත් පදනමට හා මාසික වේතන පදනමටයි. ඔබට අර්ධ කාලීන ආකාරයට කළ වැඩ හැකියි.
Work will be done as contractual basic and payments would be as project based and/or monthly. ‍You can work part timely. 

එකතු වෙන්න කැමති අය ඉන්නවා නම් සම්පූර්ණ දත්ත පත්‍රිකාවක් (Curriculum Vitae) careers[at]nanovik[dot]com වෙත එවන්න. ඔබ කරල තිබෙන වැඩ ගැන අනිවාර්යයෙන්ම සදහන් කරන්න. මොකද ඔබව පරික්ෂා කරන්න අපට ඒවා අත්‍යවශ්‍යයි.
බොහෝ විට සම්මුඛ පරීක්ෂණයක් තියල තමා ගැළපෙන අයව තෝරා ගැනෙන්නෙ. 
If you are interested, please send your complete CV with your portfolio to careers[at]nanovik[dot]com. 
You'd be interviewed most of the time, before your are being selected.

Only the shortlisted ones will be contacted.

Saturday, May 7, 2011

මේ දවස් වල

රැකියාව කියල නිසාමත් නෙමෙයි, ටිකක් කම්මැලි හිතිල බ්ලොග් ලියන්න. ඒ අස්සෙ මගෙ ගෙදර පරිගණකයේ ලෙඩක් වෙලා දැන් ඒක හරිගස්සගත්ත. ඒත් මගෙ ADSL connection එකේ අවුලක්, තාම ඒක හදාගන්න බැරි උනා. සතියකට විතර කලින් ඒ ගැන complain කළාට එයාල චෙක් කරල බලන්න කීවම බලන්න විදිහක් නැති උනු නිසා (ඇයි කොම්පියුටරේ වැඩ කළේ නෑ නෙ. :( ) බලන්න බැරි උනා. ඇයි ඒ අස්සෙ යාපනෙත් ගියානෙ. :) ගිහිල්ල ඇවිල්ල ආපහු complain කළා, තාම නම් හැදුවෙ නෑ. අද හෙටවත් හැදුවොත් හොඳයි.

ඉතින් මේ ලෙඩ නිසා බ්ලොග් ලියනව තියා මේල් චෙක් කරන එකත් ටිකක් අල වෙලා. මුහුණු පොත පැත්තෙත් හරිමම අඩුවෙන් තමා යන්නෙ. ඔෆිස් එකේදි යන්නත් බෑ, ලොක්කෙක් දැක්කොත් අලි ලෙඩක්. :) (අපේ ඩිපාට්මන්ට් එකේ ලොක්ක නම් කිසි අවුලක් නෑ.)

මේ දවස් වල අපේ කොම්පැනියෙ කාර්තුවකට සැරයක් පළ කරන "මාග පුවත්" කියන සඟරාවට ලිපියක් හදනව. දැන් හදල ඉවරයි වගේ තමා. ඒක දාන්න තමයි හිතාගෙන ඉන්නෙ බ්ලොග් එකට. තව දවස් දෙක තුනකින් ඒක දාන්නම්කෝ.

දැන් කට්ටියට මගෙ බ්ලොග් එක අමතක වෙලත් ඇති සමහරක් විට. මොනා කොරන්ඩද, දුක තමා. සොරි හොඳේ. :'(

එහෙනම් මම නැවතුනා. (මේකත් මේ ලියන්නෙ ඔෆිස් එකේ ඉඳල.)

Thursday, April 14, 2011

සුභ අලුත් අවුරුද්දක් වේවා!!!

Tuesday, April 12, 2011

Guide To CSE වසරක උපන්දිනය සමරයි


මුලින්ම මගෙ සිංහල බ්ලොග් එකේ කොළඹ කොටස් වෙළඳපළ ගැන ලිපි ලියන්න පටන් අරගෙන, ඒවට ආපු අදහස් ගොඩ දැක්කම හිතුනු අදහසක් අනුව, කොටස් වෙළඳපල ආයෝජනය ගැන ලිපි කියන්න වෙනමම බ්ලොග් එකක් හදන්න හිතිල, http://guidetocse.blogspot.com කියන ලිපිනය යටතේ ඔන්න මම කොටස් වෙළඳපළ ආයෝජනය ගැන අධ්‍යාපනික ලිපි ලියන්න අලුතින්ම බ්ලොග් එකක් පටන් ගත්ත. ඒ 2010 අප්‍රේල් මාසෙ 12 වනදා. 
ඉතින් ඕක කරගෙන යන අතරෙ හිතුන මටම කියල ටොප් ඩොමේන් එකක් ගන්න මේ බ්ලොග් එකට. යාලුවෙක්ගෙ වෙබ් කාඩ් එකකින් සල්ලි ගෙවල ඉතින් ගත්ත ඩොමේන් එක, www.guidetocse.com කියල. ඒ 2010 ජුනි මාසෙ.
මේ පහු ගිය අවුරුද්දට, ලංකාවෙ විතරක් නෙමෙයි පිටරට වලත් ඉන්න කොළඹ කොටස් වෙළඳපළ ආයෝජනයට කැමැත්තෙන් හිටපු/ඉන්න හුඟ දෙනෙක්ට මගේ සහය ලැබෙන්න ඇති. මේ ලිපි ආශ්‍රයෙන් විතරක් නෙමෙයි කෙලින්ම ඔවුන් අසන ලද ප්‍රශ්න වලට ඊමේල් මගින්, චැට් හරහා, ෆෝරමය හරහා, පිළිතුරු සපයමින්.
ඉතින් මම හිතනවා මම මේ කරන ලද ව්‍යායාමයේ යම් ප්‍රතිඵලයක් තිබෙනවා කියල. එමගින් යම් පිරිසකටත්, ලංකාවෙ කොටස් වෙළදපළටත්. පොඩි මිනිහෙක් විදිහට ඉඳගෙන ඒ කරන්න ලැබුනු පුංචි සේවය ගැන මම ගොඩක් සතුටු වෙනවා.
පසුගිය මාස 2, 3ට ලිපියක් ලියාගන්න හරි හැටි වෙලාවක් නොලැබුනත්, කියවන්නන් අසන ප්‍රශ්න වලට මම හැකි ඉක්මනින් පිළිතුරු සැපයුවා. වෙබ් අඩවියට පැමිණෙන්නන් නම් අඩු වෙලා, ලිපි නැති නිසා. මගෙන් ඒ උනු අතපසු වීමට සමාව ඉල්ලා සිටිනවා Guide To CSE වටා සිටින පිරිසගෙන්.
 
අදට Guide To CSE බ්ලොග් අඩවියට වසරක් සපිරෙනවා. තවත් ඉදිරියට මට පුළුවන් හැටියට ඔබට සේවය ලබාදෙන්න බලාපොරොත්තු වෙනවා. මට මේක තනියම කරන්න බෑ, මා වටා සිටින කියවන්නන් පිරිස මට ගොඩක් වටිනවා. ඔබ සැම ඉදිරියටත් මා හා සමඟ සිටිමින් මට සහයක් වන ලෙස මම ඉල්ලා සිටිනවා.
Guide To CSE සඳහා සහයක් වෙන්න කැමැත්තෙන් සිටිනවා නම් කරුණාකර මා හා සම්බන්ධ වෙන්න.

ඒත් එක්කම, මේ ලබන සිංහල හින්දු අලුත් අවුරුද්ද, සතුටින් සාමයෙන් සපිරුනු, සැමට ජය ලැබෙන වසරක් වේවායි පතනවා!!! ඔබ සැමට ජයෙන් ජය....

Tuesday, March 15, 2011

කාරුණික ඉල්ලීමක් - ලේ දන්දීමක්

මොරටුව සරසවියේ Materials Science and Engineering දෙපාර්තමේන්තුවේ 05 batch එකේ සිටි සිසුවෙක් වූ ධර්මසේන අය්යා (අපේ උඩ බැච් එකේ රෙපා) හදිසියේ පසුගිය සතියේ අප හැර ගියා.
ඔහුට පිං පිණිස ලේ දන් දීමේ ව්‍යාපාරයක් සංවිධානය කරල තිබෙනවා.
දිනය: මාර්තු 18 වන සිකුරාදා
ස්ථානය: ජාතික ලේ බැංකුව, නාරාහේන්පිට
වේලාව|: උදේ 8.00 සිට සවස 5.00 දක්වා
ඉතින් ඔයාලටත් මේ සත්කාර්යයට සහභාගි වීමට අපි කාරුණිකව ආරාධනා කරනවා.
එන්න බලාපොරොත්තු වෙනවා නම් කරුණා කරල මේ ලිපියට අදහසක් දක්වන්න. ඔවුනට කෑම බීම සකස් කිරීමට අවශ්‍ය නිසා එන පිරිස කොපමණ වෙයිද කියල දැනගන්න ඕනෙ කරනවා.

Sunday, February 27, 2011

Web Designers, Graphic Designers, Animators, Programmers ඕනෑ කර තිබේ

ඔයාලට මතකයිනෙ මම ඉස්සෙල්ල මගෙ ලිපියෙ කිව්ව අපේ යාළුවො කිහිප දෙනෙක් සෙට් වෙලා හදාගත්තු IT Firm එක ගැන.
ඉතින් අපි දැන් කට්ටිය හොයනව අපිත් එක්ක වැඩ කරන්න. මම ඉස්සෙල්ල ලියපු ලිපියටත් කිහිපදෙනෙක් මේල් කරල තිබුන එකතු වෙන්න කැමතියි කියල.
ඉතින් තව අය ඉන්නව නම් අපිත් එක්ක වැඩ කරන්න කැමති (Project සෙට් වෙන හැටියට හා Contract Basis) මේල් කරන්න අපිට (careers[at]nanovik[dot]com වලට)

අපි මෙන්න මේ වගේ අයව තමා හොයන්නෙ.
  • Web Designers (DreamWeaver, Flash, etc)
  • Web Developers (PHP, MySQL, XML, etc)
  • Graphic Designers (Photoshop, FreeHand, etc)
  • Animators (3DS Max, Blender, Maya, Flash)
  • Programmers (PC apps and Mobile Apps, Java, .NET)
ඉතින් ඔයාලත් කැමති නම් අර කිව්ව මේල් ලිපිනයට මේල් එකක් දාන්න. මතක් කරල ඔයාගෙ personal details, educational details, කරල තියෙන වැඩ, ඔයාගෙ හැකියාවන් දාල එවන්න. (CV එකක්ම එවන්න පුලුවන් නම් වඩාත්ම හොඳයි, Portfolio එකක් එක්කම. )
දැනට ගොඩක් වැඩ නම් නෑ, ඉතින් ඉල්ලන හැමෝටම එකපාරටම වැඩ සෙට් වෙන එකක් නම් නෑ. නමුත් අපි ඔයාලව තියාගන්නව standby, ඕනෙ වෙලාවට ටක් ගාල කතා කරල වැඩ ලබාදෙන්න. 

ඒත් එක්කම, ඔය කිව්ව Area වල වැඩ තියෙනව නම් ඒවත් අපිට කියන්න, අඩු මුදලකට කරල දෙන්න පුළුවන්. :) 
අපි ලබා දෙන සේවාවන් මෙන්න මේව තමයි.
  • Web Design (HTML, Flash, Hybrid)
  • Web Development (PHP, MySQL)
  • Wordpress, Blogger, Drupal, Joomla Theme Creation
  • SEO
  • Logo Design
  • Business Cards Design
  • Brochure Design
  • Banner Ads Design
  • Programming (PC and Mobile)
  • E Mail Marketing (මේක නම් තාම හරියටම නෑ. )
එහෙනම් දැනට නවතින්නම්.