Saturday, November 19, 2016

මගෙ අලුත් ඉංග්‍රීසි බ්ලොග් එක


මට ඉස්සර නම් ඉංග්‍රීසි බ්ලොග් එකක් තිබුණ.
පස්සෙ ඒක මම වෙන මාතෘකාවකට හැරෙව්ව. නමුත් wordpress.com එකේ තිබ්බ මගෙ ඉංග්‍රිසි බ්ලොග් එක ඩිලීට් නොකළත් තාමත් තියෙනව. ඒකෙ  ලිපි කියවන අය තාමත් ඉන්නව. සමහරු ඒකෙ ලිපි කියවල මට මේල් එහෙමත් එවනව.
ආපහු හිතුන ඉංග්‍රීසි බ්ලොග් එකක් පටන් ගන්න මගෙ වෘත්තීයම දේවල් එක්ක ලිපි ලියන්න.
ඉතින් මේ පහලින් තියෙන්නෙ ඒ බ්ලොග් එක.
අද පටන් ගත්තෙ.
මම ඊයෙ කරපු presentation එකක් හා ඒකට අදාලව හදපු ලිපි ටිකක් තමයි දැනට දාල තියෙන්නෙ. තව මම හුඟ කාලෙකට ඉස්සෙල්ල හදපු Stock Trading Basics කියල දෙන presentation එකකුත් දාල තියෙනව,

ඉතින් මීට පස්සෙ මේ වගේ වෘත්තීයමය දේවල් ඉංග්‍රීසියෙන් ලියන්න මම මේ බ්ලොග් එක භාවිතා කරනව.
සමහර අයට නම් මේ දේවල් රසවත් නොවෙන්න ඉඩ තිබෙනව. නමුත් ලෝකය පුරාම ඉන්න අයගෙන් ටික දෙනෙක් හරි ප්‍රයෝජනයක් මේවායින් ගනීවි.

ආරාධනා කරනවා ඔබටත් එකතු වෙන්න.

Friday, October 21, 2016

ඔබේම ව්‍යාපාරයක් අරඹා ජයගන්න. එකතු වන්න. Tyro Club



මම මුලින් දාපු ලිපිය "30-50%ක ලාභයක් ලැබෙන ඔයාලගෙම ඔන්ලයින් බිස්නස් එකක් ආරම්භ කරන්න" ලිපිය හුඟක් අය කියවන්න ඇති කියල හිතනව. ඒක කියවල වැඩක් කරන්න පටන් ගත්තු දෙතුන් දෙනෙකුත් ඉන්නව (මට කිව්ව). අති සාර්ථක ලෙස.
අනිත් අය දැන් පරක්කු වැඩියි. මම පෝස්ට් එක ඉවත් කලා.

මොකද දන්නවද, වටිනාකමක් එකතු කරන්න අවශ්‍ය නිසා. ඒ දේවල් ඉගෙනගෙන තමන්ගෙම ව්‍යාපාරයක් 


අරඹන්න තවත් කැමති අය ඉන්නව නම් මට කියන්න.
උදව් කරන්න මම සූදානම්. පොදුවේ නෙමෙයි, පුද්ගලික වශයෙන්. 

මට ඔයාලගෙ විස්තර එවන්න. ඒකට පහත පෝරමය භාවිතා කරන්න.



මේ ප්‍රශ්න වලට උත්තරත් එක්ක මට මැසේජ් එකක් දාන්න. ඒ විස්තරත් තියෙන මැසේජ් විතරයි මම බලන්නෙත්. 


Tyro Club නමින් මම FB Private Group එකක් හැදුව. ඒකට ඇතුළු වෙන්න පුළුවන් ඉහත ප්‍රශ්න වලට හොඳ පිළිතුරු ලබා දෙන අයට විතරයි. බිස්නස් එක සාර්ථක කරගන්න හැකි සෑම සහයක්ම මම දෙන්න කැමතියි. Members Only Group එකක් මේක. වටින අය විතරයි මේකට එකතු කරගන්නෙ. වටින කියල අදහස් කළේ, මහන්සි වෙලා බිස්නස් එකක් ආරම්භ කරල සාර්ථක වෙන්න කැමති අය. 


මේ සම්බන්ධ වීම හරහා අර මුල් ලිපිය විතරක් නෙමෙයි, ඊට වඩා ගොඩක් උපදෙස් හා සහය ලැබෙයි. 

සමහරවිට ආයෝජකයින් පවා හම්බෙන්න පුළුවන්.

මගෙ පෝස්ට් එක කියවල, දැනට ආරම්භයක් ගත්තු සිව් දෙනෙක් ගැන මම කියන්න කැමතියි.

  1. එක්කෙනෙක් ikman.lk අඩවිය හරහා සතියකින් රු. 12000ක මුදලක් ලාභය වශයෙන්ම පමණක් හොයල තියෙනව. මේ සතයක්වත් වියදම් කරන්නෙ නැතිව. පොඩ්ඩක් මහන්සි වෙලා විතරයි. 
  2. දෙවැන්නා FB Fan Page එකක් හරහා වෙළඳාම ආරම්භ කර දින 2-3කින් රු.4000-5000 අතර ලාභයක් ලබාගත හැකි Orders ලබාගෙන තිබෙනව. දැන් එයා bulk order එකක් දැම්ම supplier එක්ක කතා කරගෙන. 
  3. තෙවැන්නා කරමින් හිටිය වැඩක් අතෑරල දාල හිටිය වැඩක් උනේ නැති නිසා. නමුත් මම කිව්ව දේවල් වලින් අදහසක් අරගෙන ආපහු පටන් ගත්ත. දවස් කිහිපයකින් රු.5000ක් පමණ ලාභයක් උපයල භාණ්ඩ 3-4ක් විකුණල.
  4. සිව්වැන්න මේ මම මේ පෝස්ට් එක හදන අතරෙ මැසේජ් කළා. රු. 3000ක් උපයල එක වැඩක් කරල. සතයක්වත් වියදම් නොකර.

මේ හතර දෙනාගෙන් දෙන්නෙක් මගෙන් මැසේජ් කරමින් යම් යම් කුඩා සහයන් ලබාගෙන තිබෙනව. නමුත් තනිවම හිතල ගොඩ ගිය දෙන්නෙක්. අනිත් දෙන්න මගෙ පෝස්ට් එක කියවලම විතරක් හිතල කරල ගොඩ ගිය දෙන්නෙක්.


ඉතින් ඇයි ඔයාලටත් බැරි???


එකතු වෙන්න. Tyro Club එක්ක. 



මූලිකව කරන්න තියෙන්නෙ දේවල් කිහිපයයි.

  1. සාර්ථක ව්‍යාපාරයක් ඇරඹීම සඳහා හිත ශක්තිමත් කර ගැනීම.
  2. ඒ ගැන සරළ හෝ සැලැස්මක් ගොඩ නඟා ගැනීම.
  3. ඉහත සබැඳියේ ඇති පෝරමය පුරවා මා වෙත එවීම.
එහෙම අපි සාර්ථක අනාගතයක් වෙනුවෙන් එකතු වෙමු.

Tyro කියන වචනෙ ගැනත් කියන්නම්.

Tyro කියන්නෙ Beginner කියන එක. ඒ කියන්නෙ මූලික අවධියේ සිටින කෙනෙක්, නවකයෙක් කියන එක. ඉතින් අපි ඔක්කොම මේ බිස්නස් ලෝකෙට නවකයො.


Sunday, October 9, 2016

30-50%ක ලාභයක් ලැබෙන ඔයාලගෙම ඔන්ලයින් බිස්නස් එකක් ආරම්භ කරන්න

හුඟම හුඟ කාලෙකට පස්සෙ තමා බ්ලොග් එක පැත්තෙ ආවෙ.
දැන් ඉතින් තාත්තලනෙ. ඉතින් වෙලාව කලාව ඉතාම අඩුයි.
ෆෝරම් එකක් පැත්තෙ ගිහිල්ල පොඩි ත්‍රෙඩ් එකක් දාන්න, රිප්ලයි එකක් දාන්න වගේ දේකට ඇරුනම, එක දිගට ලිපියක් ලියන්න කාලය ටිකක් අඩුයි.
නමුත් මම ටික වෙලාවක් වෙන් කරල ෆෝරම් එකකට ලිව්ව ත්‍රෙඩ් එකක් බ්ලොග් එකෙත් දාන්න හිතුව තව අයට ප්‍රයෝජනවත් වෙයි කියල.

------------------------------------------------------------------------------------------------------


මේ විදිහට බිස්නස් කරන අය ලංකාවෙ ඕනෙ තරම් ඉන්නව. මෙතනත් ඇති. 
ඔයාලටත් අදහසක් අරගෙන දෙයක් ආරම්භ කරන්න මම මේ ලියන්නෙ.

PTC, RevShare, Forex, Ad publishing ගොඩක් දේවල් කරල මේ ඉන්න හුඟක් අය ඩොලර් හොයන්න මහන්සි වෙනව. ඒවායින් අති සාර්ථක උනු අයත් ලංකාවෙ ගොඩක් ඉන්නව. අසාර්ථක උනු අය ඊටත් වඩා ඉන්නව.
මම කතා කරන්න හදන්නෙ physical business එකක් ආරම්භ කිරීම සම්බන්ධව. ලංකාව තුළ ක්‍රියාත්මක කරන.

කෙලින්ම කරන ක්‍රමේටම බහිමු.

=====================================

UPDATE
මෙම ලිපිය මවිසින්ම ඉවත් කරන ලදී. මේක කියවපු අය බිස්නස් එකක් ආරම්භ කළා නම් මට comment  කරන්න ෆේස්බුක් profile url එකත් එක්ක. තවත් උදව් කිරීමට මම සූදානම්. මෙහෙම බිස්නස් එකක් ආරම්භ කරන්න කැමති අයත් අදාලයි. හැබැයි වැඩේ පටන් ගන්නම ඕනෙ. නිකං ආවට ගියාට වැඩක් නෑ.
දැනට තිදෙනෙක් කියල තියෙනව එයාල සාර්ථක ආරම්භයක් අරගෙන කියල. 

එක්කෙනෙක් සතියක් යන්න ඉස්සෙල්ල රු. 12000කට වඩා උපයල (ලාභයම). 
දෙවැන්න දවස් දෙක තුනකින් රු.4000ක පමණ ඕඩර් ලබාගෙන. 
තෙවැන්නා කරන්න ට්‍රයි කරල අතෑරල තිබ්බ බිස්නස් එක ආපහු පටන් අරගෙන දවස් 3-4කින් ඕඩර් 5ක්ම අරගෙන. 

ඔයාලටත් එහෙම සාර්ථක වෙන්න පුළුවන්. එන්න එකතු වෙන්න. 


===============================

මාත් එක්ක එකතු වෙන්න කැමති අය පහත ෆෝර්ම් එක පුරවල එවන්න.
https://docs.google.com/forms/d/e/1FAIpQLSfitUCAHcdb3l8RDl7AySJVH68kuAxahGqC3jaX0rTCDvI1IA/viewform
එතකොට මේ ලිපිය විතරක් නෙමෙයි, ඊට වඩා ගොඩක් උපදෙස් හා සහය ලැබෙයි. 

සමහරවිට ආයෝජකයින් පවා හම්බෙන්න පුළුවන්. 

Wednesday, April 27, 2016

3D Stereograms බලමුද

මේකට සිංහලෙන් කියන්නෙ මොකද්ද කියල නම් මම දන්නෙ නෑ. ඉංග්‍රීසියෙන් කියන්නෙ 
3D Stereograms කියල. මේ පහල තියෙන රූපෙ දැක්කම මොකද්ද හිතෙන්නෙ? මොකුත් නෑ?
ඔයාලට මතකද, අර චූටි චූටි බුද්ධ රූප ගොඩක් තියෙන රූපෙ. ඔව්, ඔය පහළ තියෙන එක තමා.
එක දිහා බලා හිටියම ලොකු බුද්ධ රූපයක් මැවිල පේන? අන්න ඒ වගේ රූප තමා මේ. සමහරු නම් කියන්නෙ ඒක පේන්න පින තියෙන්න ඕනෙ කියල. (මෙම රූපය සොයා දුන් සන්ධ්‍යා මිතුරියට මගේ ස්තුතිය).



මේ ලිපිය කියවල ඉවර කළාට පස්සෙ ඒ පිනට ඔයාලටත් උරුමකම් කියන්න පුළුවන් වෙයි.

තෙරෙන්නෙ නැද්ද බලන්න? සමහරුන්ට මේක බලන්න හරි ලේසි, සමහරුන්ට උත්සාහ කලාම බලන්න පුලුවන්, හැබයි ටික දෙනෙක් ඉන්නව මේව බලන්න කොහොමවත්ම බැරි, ඒ අයට තමුන්ගෙ ඇස් වල නාභි දුර තමන්ට ඕනෙ ඕනෙ විදිහට වෙනස් කරන්න බෑ.
පොඩි උදව්වක් දෙන්නම්. මෙන්න මේ සටහනේ විදිහට බලන්න උත්සාහ කරන්න. ඇස් දෙක අනන්තයට නාභිගත කරල රූපෙ දිහා බලන්න ඕනෙ. මමත් පුරුදු උනෙ ඔහොම තමා, ටිකක් අමාරු වෙයි සමහරුන්ට. උත්සාහ කරන්නකො.


වැඩේ හරි නේද? ඒ විදිහට මේ පහල තියෙන එක බලන්න. ඒක බලන්න හරි ලේසි රූපයක්. මේකෙ ලස්සන සමනයෙක් හැංගිලා ඉන්නව. දැක්කද?



මේක බලන්නකො. මේ රූපෙ ඇතුළෙ බුදු පිළිමයක් හැංගිලා තියෙනව.


මෙවන් රූප ගොඩක් හොයාගන්න පුළුවන් අන්තර්ජාලය තුළ සෙව්වොත්.
මමත් ට්‍රයි කරල තමා ඕක බලන්න පුරුදු උනේ. දැන් නම් තත්පරයකින් දෙකකින් පුළුවන්.
මේ තියෙන්නෙ තවත් එවන් ඒවා.





Monday, April 25, 2016

බ්ලොග් වසන්තය ඔන්න ආයෙත්

දයාබර මිතුරු මිතුරියනි,

ඔන්න බ්ලොග් වසන්තයේ බ්ලොග් මල් පල දරන්න පටන් අරගෙන. අපි හැමෝටම බ්ලොග් වසන්තයේ සුන්දරත්වය විඳගන්න කාලය ඇවිදින්. බ්ලොග් වසන්තය පිටුවෙහි පළ වෙන සියළුම ලිපි අතරින් ඔබගේ සිත් ගත් ලිපියට ඔබගේ මනාපය පල කරන්න ක්‍රමයක් ඔන්න හඳුන්වා දීලා තියෙනවා. බ්ලොග් වසන්තය පිටුවේ පළවන සෑම බ්ලොග් ලිපියක්ම අප මේ මනාප විමසුමට ඇතුලත් කරනවා. මැයි මාසයේ අවසානය දක්වා අපි මෙය පවත්වාගෙන යන්න තමයි බලාපොරොත්තුව.
ඔබගේ සිත් ගත් ලිපි 5ක් දක්වා ඔබට මනාපය පල කරන්න පුළුවන්. ඒ විතරක් නෙමෙයි,බ්ලොග් අවකාශයේ ජීව නාලිය වන ප්‍රථිචාර දක්වන සහෘදයන්වත් අපි අමතක කරන්නේ නෑ. ඔයගොල්ලන්ට පුළුවන් ඔබගේ සිත් ගත් හොඳම කමෙන්ට් කරු නොහොත් හොඳම ප්‍රථිචාර දක්වන්නාටත් ඔබගේ මනාපයක් ලබා දෙන්න.
මෙන්න මේ ලින්කුව දිගේ චන්ද පොලට පිවිසිය හැක. ඇවැසි වන්නේ ඔබ ගුගුල් ගිණුමකින් සම්බන්ධ වීම පමණකි. අප ඔබගේ කිසිම පුද්ගලික විස්තරයක් ලබාගන්නේ නෑ....

පසුව පළවන ලද සිත්ගත් ලිපියක් නිසා ඔබට යම් අවස්ථාවක ඔබගේ මනාපය වෙනස් කිරීමට ඇවැසි නම්, නැවතත් මේ සබැඳිය දිගේ ගොස් ඔබේ මනාප වෙනස් කිරීමට හැකියාව තියෙනවා.

උපුටා ගැනීම

Monday, March 21, 2016

Windows / Android / iOS අතරින් හොදම ජංගම දුරකතන මෙහෙයුම් පද්ධතිය මොකක්ද?


තාක්ෂණය අපේ වටපිටාවේ හැමතැනම තියෙනව. තාක්ෂණය දැන් අපි ස්මාර්ට්ෆොන් එකක හැඩයෙන් හැමතැනම අරගෙන යනවා. කිහිපදෙනෙක්ට තමන්ගේ ජංගම දුරකතනය ගැන හොඳ දැනීමක් තිබුණත් බොහෝ දෙනෙක් ජංගම දුරකතනයක් මිලදී ගන්නේ ඒහි විශිෂ්ට ලෙස නිමවා ඇති ආකර්ශනීය ස්පර්ශක තිරය ගැන පමණක් අවධානය යොමුකරලා. ඒ නිසා ජංගම දුරකතනයක් මිලදී ගන්න කොට ඔබ මිලදී ගන්නේ මොන විදිහේ එකක්ද සහ ඔබ ඒ වෙනුවෙන් ගෙවන මිලට ලැබෙන වට්නාකමක් ලැබෙනවාද නැද්ද යන දේ ගැන විමසිලිමත් වීම වැදගත් වෙනවා. ඒ තීරණය ගන්න ඔබට උදව්වක් විදිහට මම විවිධ ජංගම දුරකතන මෙහෙයුම් පද්ධති අතර සංසන්දනයක් කරා. මේ දැක්වෙන ඔනෑම ජංගම දුරකතනයක් ශ්‍රි ලංකාවේදී විවිධ වෙබ් අඩවි ඔස්සේ ඉතාම සාධාරණ මුදලකට අන්තර්ජාලය හරහා මිලදී ගන්න ඔබට පුලුවන්. Kaymu වෙබ් අඩවිය ඒවා අතරින් එකක්.  (මමත් ටෙස්ට් කරන්න පොඩි දෙයක් විකුණන්න දැම්ම.) 

මෙය ඉතාම සරළ සංසන්දනයක් බවත් සළකන්න. 


මෙහෙයුම් පද්ධති සංසන්දනය




  • මුහුණත
android වලදී විවිධ නිශ්පාදකයින් විවිධ interface මගින් මෙහෙයුම් පද්ධති ප්‍රතිනිර්මාණය කරනවා. මේ දුරකතන වල මූලිකාංග සමාන වුවත් විවිධ කුඩා වෙනස්කම් රැසක් දකින්න පුලුවන්. ඒ නිසා ඔබට ගැලපෙන interface එක සහිත දුරකතනයක් තොරාගැනීම ඔබට අවස්ථාව තියෙනව.
Apple ios වලදී වඩාත්ම කැපී පෙනෙන්නේ එහි slick animations සහ සරළ බවයි. යාවත්කාලීන වලදීත් මේය එතරම් වෙනස් වෙන්නේ නෑ.
Windows phone වල ප්‍රධානම අංගය live tiles. එවා කැමති විදියට customize කරන්නත් පුලුවන්. එත් මෙවායේ ක්‍රියාකාරීත්වය android සහ ios තරම් යහපත් නැහැ.
Android වල්දී ඔබට සියලු Google apps ලබාගන්න පුලුවන්. එත් windows phone වලදී මේ පහසුකම ලැබෙන්නේ නැහැ.

  • Apps සහ විකල්ප App Stores
Android වලට ඇති ඉල්ලුම නිසාම වෙනත් app store මෙවනවිට බොහෝ ජනප්‍රිය වෙලා තියෙනවා. ios app store වලදී ඔබට වඩා ගුණාත්මක apps ලබාගන්න පුලුවන් වුනත් වැඩිපුරම නොමිලේ ලබාදෙන apps ඇත්තේ android play store (Google Play) වලයි.
Android වල ඔබට වෙනත් app stores වල ඇති apps පවා දුරකතනයට ඇතුල් කරගන්න පුලුවන් (side loading apps), එත් apple ios සහ windows වල ඔබට මේ පහසුකම ලැබෙන්නේ නැහැ.

  • මෙහෙයුම් පද්ධති යාවත්කාලීන වීම

සෑම ජංගම දුරකතනයක්ම නිතරම යාවත්කාලීන වෙනව. Microsoft සහ Apple ජංගම දුරකතන වල මෘදුකාංග ඔවුන් සතුවම තිබෙන නිසා නිරන්තරයෙන්ම යාවත්කාලීන කිරීම් ලබාදෙනවා. හැම අවුරුද්දකම අලුතින් Apple මෘදුකාංගයක් එලිදක්වනවා, එවිට කලින් තිබුණු devices යල්පැන යනවා. ඒ නිසා Windows  phone මේ අංශයෙන් ටිකක් ඉදිරියෙන් ඉන්නවා කියන්න පුලුවන්.
ඉදහිට කෙරෙන redesigning වලට අමතරව android දුරකතන එතරම් යාවත්කාලීන වෙන්නේ නැහැ. ඉතා සුළු ප්‍රතිශතයක් android උපාංගවල ප්‍රමාදවී යාවත්කාලීන ලැබෙන යෙදුම් ධාවනය වෙනවා.

  • වෙනස් කරගත හැකි බව
Android දුරකතන වල ප්‍රභලම ශක්තිය තමයි එහි වෙනස් කළ හැකි බව. එමගින් ඔබට ඔබේම interface එකක්, home screen කිහිපයක් shortcut සහ widgets සමග භාවිතා කිරීමට අවස්තාව ලැබෙනව. එවාගේම ඔබට කැමති යතුරුලියනයක් (keyboard) භාවිතා කිරීමේ අවස්ථාවද Google සමාගම ඔබට ලබා දෙනවා.
Windows phone වල live tiles වලින් එවායේ ප්‍රමාණය වෙනස්කරගන්න පුලුවන්, එත් iOS දුරකතන වල වගේම windows වලත් යතුරුලියනය (keyboard) එක වෙනස් කරන්න ඔබට බැහැ.
ප්‍රායෝගිකව බලනවිට සෑම ජංගම දුරකතනයක්ම විවිධ හාවිත කරන්නන් අරමුණු කරමින් නිශ්පාදනය කරන ලද ඒවායි. එක් සරළ සැසඳීමකින් ඔබට ජංගම දුරකතනයක් තොරාගැනීම කළ නොහැක්කක්, නිසා ඔබට ජංගම දුරකතනයක් අවශ්‍ය කුමන කාරණාවක් ඉටුකරගැනීමටද කියා තීරණය කිරීම වැදගත් වෙනවා. ශ්‍රි ලංකාවේදී ජංගම දුරකතනයක් මිලදී ගැනීමට takas වෙබ් අඩවියත් පහසුකම් සපයනවා.

Sunday, March 20, 2016

සල්ලි නැතිව Business පටන්ගන්න බැරිද?

උපුටා ගැනීමකි.



මෙම පැනය අසන ඕනෑම අයකුට ලැබෙන පිළිතුර 'බැහැ' යන්නයි. නමුත් ඔබ පුදුම වන පිළිතුරක් ලබාදීමට මා සූදානම්. එනම් 'ඔව්, පුළුවන්' යන ඓශ්චර්යජනක උත්තරයයි. වත්මන් තරගකාරී ලෝකයේ ප්‍රාග්ධනය ප්‍රධාන ව්‍යාපාර සාධකය බවට පත්ව තිබෙනවා. ප්‍රාග්ධනය, තාක්ෂණය, කළමනාකරණය හා අලෙවිකරණය ව්‍යාපාර පවත්වාගෙන යෑමට උදවු වන ප්‍රධාන සාධකයක්. නමුත් මේ කිසිවක් නොමැතිව ව්‍යාපාර පටන් ගැනීම අදහාගන්න බැරි කාරණයක්. නමුත් ලොව පුරා සෑම තැනකම මේ දේවල් පුදුමඑළවන ආකාරයෙන් සිද්ධ වෙනවා.

ප්‍රාග්ධනය ගැටලුවෙන් මිදෙන්න බැරිව බොහෝ දෙනා තමන්ගේ ව්‍යාපාරික අදහස් උපන්ගෙයි මරා ගන්නවා. මුළු සමාජයටම සාප කරමින් පවතින සමාජ ක්‍රමයටත්, මුදල් ණයට දෙන බැංකුවලටත් නිරන්තරයෙන් බැන වදිමින් ඔවුන් තම ජීවිත විනාශ කරගන්නවා. රැකියා වියුක්තිය, සිය දිවි නසාගැනීම, අධ්‍යාපන ක්‍රමයට බැන වැදීම, කැරලි ගැසීම, දේශපාලකයන්ගේ අතකොළු බවට පත්වීම යනාදිය විවිධ දූෂණ හා අපචාරයන්ට ගොදුරුවීම ආදිය තුළින් බොහෝ දෙනා ඊට පිළිතුරු සොයනවා.

මෙලොව උපදින සියල්ලෝම උපදින්නේත්, මිය යන්නේත් අතේ සතයක් නැතිවය. නමුත් ජීවත් වන අය සල්ලිවලට අසීමිත වැදගත්කමක් දෙනවා. අද ලොව සෑම දෙයක්ම සල්ලි නොමැතිව කිරීමට නොහැකි දේවල් ලෙස සැකැසී තිබෙනවා. එම නිසා සෑම දෙයකින්ම සල්ලි හම්බ කිරීමට අද සමාජය පෙලඹී තියෙනවා. සල්ලි නිතරම ප්‍රතිඵලයක්. නමුත් එය යමක හේතුව නෙවෙයි. වැඩ කළොත් සල්ලි, බඩු වික්කොත් සල්ලි, ඉගෙන ගත්තොත් සල්ලි. සල්ලි මවන්න පුළුවන් දෙයක්. ඒ කොහොමද? තමන්ගේ බුද්ධිය තුළින් ප්‍රායෝගික මිනිසකු ලෙස ජීවත්වීමට තම බුද්ධිය පාවිච්චි කිරීමෙන් බොහෝ දෙනකුට තම නිදන්ගත ජීවිත ප්‍රශ්නවලට විසඳුම් සොයාගන්න පුළුවන්.

ව්‍යාපාරයක් ආරම්භ කිරීමට මුදල් පසුපසම හඹායන එක නතර කර මඳක් දෑස් විවර කර අවට පරිසරය දෙස බලන්න. වටිනා කියන සම්පත් බොහොමයක් ඔබ අවට තිබේ. ඒ තුළින් ඔබගේ ව්‍යාපාරයට අඩිතාලම සකසා ගත හැකිය. එසේ ආරම්භ කළ ව්‍යාපාර පිළිබඳ ඉතිහාස කතා බොහොමයක් අපට තිබෙනවා.
පහන් තිරයෙන් ව්‍යාපාරික ලොවට...

පහනක් දල්වා ගැනීම සඳහා පිරිසුදු රෙදි කැබැල්ලක් ඉරාගෙන පහන් තිරයක් හදා ගැනීම එදා අපේ සෑම ගෙදරකම සිරිතක් වුණා. අම්මා හෝ ආච්චි හෝ පහන් තිරයක් අඹරා ගැනීමට අත හෝ කකුල පාවිච්චි කළ ආකාරය ඔබේ සිතේ මැවෙන්න පුළුවන්. මෙය අපේ සිංහල සංස්කෘතිය තුළ පැලපදියම් වූ විශේෂ ලක්ෂණයක්. එහි අතීතය වසර දහස් ගණනක් වෙන්න ඕනෑ. නමුත් අද මොකද වුණේ? සෑම ගෙදරකම පහන් තියරක් ඕනෑ වුණාම රුපියලක් දීලා පහන් තිර පැකැට්ටුවක් කඩයෙන් ගෙන්නා ගන්නවා. අද කොයි ගෙදරද මේ සිරිතෙන් බැහැරවෙලා ඉන්නේ? ඔක්කොම කඩේට දුවනවා. එහෙම දුවන්නේ ගෙදරක පිරිසුදු රෙදි කැබැල්ලක් නැති හින්දද? නැත්නම් පහන් තිරයක් අඹරාගන්නට තාක්ෂණ ඥානයක් නැති නිසාද? එසේත් නැතිනම් ඒකට මිඩංගු කරන්න තරම් කාලයක් නැති නිසාද? මෙවැනි ප්‍රශ්න ඔබේ හිතට ක්‍ෂණයෙන් ගලා ඒවි

. ඒකට උත්තරය මොකක්ද? කවදා හෝ දවසක අපේ පුංචි රටේ පුංචි මිනිසකුට පහන් තිරයක් අඹරා කඩේකට දැම්මොත් එය විකුණා ගන්න පුළුවන් යන අදහස සිතක පහළ වුණා. වෙළෙඳපොළට රිංගාගෙන තම ආධිපත්‍ය ගොඩනඟා ගන්න පුළුවන් බව ඔහු තම අත්දැකීමෙන් තේරුම් ගත්තා. පසුදා උදේම ක්‍රියාත්මක වුණා. ඇඟලුම් කම්හලක ඉවත දමන රෙදි කැබැලි ගොඩක් දෑතට ගෙන පුංචි කතුරක ආධාරයෙන් සෙලෝපේන් කෑල්ලක් රත්කර පහන් තිර පැකැට්ටු කිහිපයක් තනා කඩේක එල්ලුවා. දින කිහිපයකින් පහන් තිර පැකැට්ටුව අලෙවි වුණා. ක්‍රමයෙන් ඔහු එම පුරුද්ද දිගින් දිගටම ගෙන ගියා. මුළු ලංකාතලයේම හැම ගෙදරකම මේ පහන් තිර පැකැට්ටුව සොයා එන තෙක් ඔහු දිගින් දිගටම පහන්තිර නිර්මාණය කළා.
සල්ලි නැතිව ව්‍යාපාර පටන්ගන්න පුළුවන් කියන කතාව බොරුවක්ද? වෙළෙඳපොළ ඉතා සියුම් ලෙස නිරීක්ෂණය කිරීමේ හැකියාව ඔහුට දායාදයක් වුණා. ව්‍යාපාර අදහස දියත් කරන්න කාසි නෝට්ටුවලින් සාක්කුව පිරී තියෙන්න ඕනෑ නෑ කියා ඔහු අපට උගන්වා නැද්ද?

තියුණු බුද්ධියෙන් හා අවංකකමින් ව්‍යාපාරික ලොවට....
එක්තරා තරුණයෙක් තමන්ට කළ හැකි දෙයක් ඇත්දැයි විමසුම් සිතින් පසුවුණා. ඔහු සතුව කිසිම මුදලක් තිබුණේ නැහැ. නමුත් ඔහු යමක් පටන් ගැනීමේ අදහසින් තියුණු ඇසකින් ජීවත් වුණා. එක් දවසක් පුවත්පතක විවිධ ප්‍රමාණයේ කළුගල් ඉල්ලා දැන්වීමක් පළකොට තිබුණා. අවශ්‍ය ප්‍රමාණය හා කළුගල්වල උපරිම මිල ගණන්ද එහි සඳහන් වුණා. අඩුම මිල ගණන් සඳහන් කරන්නකුට ටෙන්ඩරය ලබාගත හැකි බව ඔහු වටහා ගත්තා.

මේ අනුව පළමුව ඔහුගේ පදිංචි නිවෙස වටා ඇති ගල්වළ වෙත ගොස් ඔවුන් සමඟ මිල ගණන් සාකච්ඡා කළා. ටෙන්ඩරය තමන්ට ලැබුණොත් ඔවුන්ගෙන් කළුගල් ලබා ගන්නා බවත්, මුදල් ලැබුණු පසු ඔවුන්ට මුදල් ගෙවිය හැකි බවත් දන්වා සිටියා. කතිකා කරගත් මිල ගණන්වලට මඳක් වැඩිකර ඉතා අඩු මිල ගණන් ඇති ටෙන්ඩරයක් සකසා ඉල්ලුම් කළ පසු ඔහුට එය ලැබුණා. එය ඔහුගේ ජීවිතයේ විශාල ජයග්‍රහණයක් වුණා. ඉන් පසුව නියමිත දිනට කළුගල් සැපයීමට ඔහු ක්‍රියාත්මක වුණා. පොරොන්දුව වූ පරිදි කළුගල් සපයන්නෝ අදාළ ප්‍රමාණයන් පොරොන්දු වූ මිල ගණන්වලට ණයට ලබාදීම ඇරැඹුවා. කාලයත් සමඟ ඔහු ලක්ෂපතියෙක් වුණා. ඒ සඳහා ඔහුට වැය වුණේ ටෙන්ඩරයේ අයැදුම්පත්‍රය සඳහා වැය වූ මුදල පමණි. සල්ලි නැතිව පටන්ගත් තියුණු බුද්ධිය, තීරණ ගැනීමේ ශක්තිය හා ඔහුගේ අවංකභාවයයි.

මී කුණකින් ඇරැඹූ ව්‍යාපාරයක්....
අවසාන වශයෙන් මී කුණක් විකුණා පොහොසතෙක් වූ කතාව රැගත් චුල්ලසෙට්ටි ජාතකයේ කතාන්දරය ඔබට මතක් කරදෙන්න කැමැතියි. තම ජීවිතය කෙසේ නමුත් ගැටගසා ගනිමියි සිතූ ධෛර්යසම්පන්න අසරණ මිනිසකු මහ මඟ තිබූ මී කුණක් අතට ගෙන ඉදිරියට ගමන් කළා. මේ මී කුණ දුටු තවත් මනුෂ්‍යයෙක් ඒ මී කුණ තම බළලාට හොඳ යැයි සිතා කාසි කිහිපයක් දී මිලට ගත්තා. ඒ කාසි කිහිපයෙන් ප්‍රයෝජනවත් යමක් කළ යුතු සිතා පසුවදා මල් නෙළන ළඳුන්ට උක් හකුරු හා පැන් විකිණීමෙන් මුදල් ඉපයීමට ඔහු කල්පනා කළා. සිතූ පරිදි මල් නෙළන ලියන් සියලු දෙනාම ඔහුගේ සේවය ප්‍රශංසා කොට තමන් නෙළාගත් මල්වලින් මිට මිට දී ඔහුගේ සේවය අගය කළා. මේ පුරුද්ද දිගටම ගෙන ගියා. පසුව ඒ ළඳුන් ඒ මල් යායේ මල් කඩාගන්නට ඔහුට අවසර දුන්නා. මේ මල් විකුණා ඔහු ක්‍රමයෙන් පොහොසත් වුණා.

මේ අතර විශාල කුණාටුවකින් විනාශ වී ගිය උයනක තිබූ දර කන්දරාවක් ඉවත් කිරීමට ඔහු උයන් පල්ලාගෙන් අවසර ගත්තා. ඒ අවට සිටි ළමයින්ගේද ආධාර ඇතිව ඔහු ඉක්මනින් උයනේ දර සියල්ල ඉවත් කළා. ඒ දර කන්දරාව දුටු කුඹල් මිනිසකු ඒ දරවල වටිනාකම දැක ඒවා මිලට ගන්නට කල්පනා කළා. ඒ ගනුදෙනුකරුවා මුදල් හා වළං දී ඔහුව සතුටට පත් කළා. දැන් ඔහු පෙරටත් වඩා පොහොසත්. ඔහුට ලැබුණු වළං සියල්ල විකුණා ඔහු අවට ජනයා සමඟ ඉතා කුලුපග වී වෙළෙ¼දාම දියුණු කරගත්තා. පසු කලෙක අසුන් සඳහා තණකොළ සැපයීමෙන්ද, නැවියන් සමඟ ගනුදෙනු කිරීමෙන්ද විශාල ධනසම්භාරයකට උරුමකම් පෑවා. මේ සියල්ල මී කුණකින් ඇරැඹීම අදහාගත නොහැකි විප්ලවයක්. ව්‍යාපාරයක් අරඹන්න මුදල් අනිවාර්ය නොවේ යන කතාව යටගිය දවස මේ කතන්දරයෙන්ද ඔප්පු වෙනවා.

මෙලොව සියලු දෙය බිහිවීමේලා මුල්ව ඇත්තේ සිතය; මුදල් දෙවැනුවය
ව්‍යවසායකයන් ලෙස ව්‍යාපාරයක් ආරම්භ කිරීමට පුල පුලා සිටින ඔබ මුදල්වලට අනවශ්‍ය ප්‍රධාන තැනක් දෙමින් ඔබේ ව්‍යාපෘති අදහස යටකරන්න එපා. මුදල් වෙනුවට ඔබේ නිරීක්ෂණ ශක්තිය, ආත්ම ධෛර්යය, කැපවීම, ශිල්ප ඥානය, උපාය මාර්ග ආදිය මුදල් ලෙස සිතා ඒවා ඉතා යෝග්‍ය අයුරින් ගළපා ඔබේ ව්‍යාපෘති අදහස දියත් කරන්න. ඒ ගමන ඉතා සෙමින් විය හැකියි. එහෙත් ඔබේ ඉලක්ක වෙත ගමන් කරනු නොඅනුමානය. මෙලොව සියලු දෙය බිහිවීමෙහිලා මුල්වී ඇත්තේ සිතය. මුදල් දෙවැනුවය.

මේ කතන්දර කිහිපය නිසා ව්‍යාපාරයක් පටන්ගන්න අවශ්‍ය මුල්ම සාධකය පරිසරය නිරීක්ෂණය තුළින් ලබාගන්නා අවබෝධය සමඟ මුසු වූ එඩිතරකම හා කැපවීම බව පෙනෙනවා. සල්ලි හෝ ප්‍රාග්ධනය අජීවී වස්තූන්. ඒවාට අගය දිය හැක්කේ අපේ වටිනා සිතිවිලිවලට පමණයි. අපේ සිතිවිලි මලානික වූ විට අපේ මුදල්ද මලානික වෙනවා. සිතිවිලි ප්‍රාණවත් වූ තරමට මුදල්ද අප්‍රමාණ ලෙස ජීවයක් ලබනවා. අපේ ප්‍රාණවත් වූ සිතිවිලිවලින් ව්‍යාපාරයකට අවශ්‍ය සියලු සාධක ගොනු කරන්න පුළුවන්. එයට පරිසරය නිවැරැදිව හැදෑරීමත්, මිනිසුන්ගේ චර්යාවන් නිවැරැදිව වටහා ගැනීමත්, පරිසරය ඉදිරියේ ඔවුන්ගේ හැසිරීම් හා ප්‍රතික්‍රියා දක්වන ආකාරය වටහා ගැනීමටත් අපේ සංස්කෘතික රට අධ්‍යයනය කිරීමත් අද මූලිකව වැදගත් කරුණු වී තිබෙනවා.
මේ නිසා ව්‍යාපාරවලට අත ගසන ඔබ සල්ලිවලට මූලික තැනක් නොදී ඔබේ සිතිවිලිවලට නව ජීවයක් දෙන්න.

මුල් ලිපිය.

Monday, December 14, 2015

"රැකියා වෙළඳපළ ජය ගනිමු" ග්‍රන්ථය ඔබත් ලබාගන්න



මාස කිහිපයක උත්සාහයකින් පසුව ඔන්න ඔයාල බලාගෙන හිටිය අත්පොත එළිදක්වන්න තමයි මේ සූදානම් වන්නෙ.

පිටු 50කින් යුත් මේ පොතෙන් අන්තර්ගතය ගැන මුලින්ම කියන්නම්.
  1. "රැකියාවක්” කියන්නෙ මොකද්ද ඇත්තටම???
  2. ඇයි අපිට රැකියාවක් ඕනෙ කරන්නෙ?
  3. සාර්ථක CV එකක් සාදා ගනිමු
  4. මොකද්ද මේ CV එකක් කියන්නෙ?
    1. CV එකක් හදන්න ස්ථිර ක්‍රමයක් තිබෙනවද?
    2. CV එකක් භාවිතා කළ යුත්තේ ඇයි?
    3. ඔබ CV කීයක් සෑදිය යුතුද?
    4. ඔබගේ CV එකේ තිබිය යුතු ගුණාංග මොනවාද?
    5. CV එක තුළ තිබිය යුතු විස්තර මොනවාද?
    6. සාර්ථක CV එකක් කොහොම විය යුතුද?
    7. මෙන්න මේ දේවල් CV එකක තිබිය යුතුයි
    8. තම CV එක හදද්දි අයදුම්කරුවන් සිදු කරන වැරදි මොනවාද
    9. සාර්ථක CV එකක දිග
    10. සාමාන්‍ය CV එකක තිබිය යුතු Formatting
    11. ඔබගේ CV එක ඉලක්ක කිරීම
    12. මුද්‍රිත CV, ඊමේල් CV, වෙබ් CV
  5. ඔබගේ සුදුසුකම් ෆයිල් එක සකසා ගන්නේ කෙසේද
  6. Cover Letter එකක් නිවැරදිව සාදාගනිමු
  7. ජොබ් එකකට හරියට අයදුම් කරන්නේ කොහොමද
  8. සම්මුඛ පරීක්ෂණයකට හරියට මුහුණ දෙමු
    1. සම්මුඛ පරීක්ෂණයකට සූදානම් වන්නේ කොහොමද
    2. සම්මුඛ පරීක්ෂණයට අඳින්නෙ පළඳින්නෙ මොනවද
    3. සම්මුඛ පරීක්ෂණය දවස
    4. සම්මුඛ පරීක්ෂණයට මුහුණදෙමු
    5. සම්මුඛ පරීක්ෂණයින් පස්සෙ
  9. Professional Online Profile එකක් පවත්වාගෙන යන්න
    1. මොකද්ද මේ Professional Online profile එකක් කියන්නෙ?
    2. ඔන්ලයින් ප්‍රොෆයිල්, රැකියා සෙවීමට භාවිතා කළ හැක්කේ කෙසේද?
    3. LinkedIn හරහා Online Profile එකක් සාදාගන්න.
    4. මොකද්ද මේ LinkedIn?
    5. මොකද්ද LinkedIn වල අවශ්‍යතාවය?
Demo එකක් පහත ලින්ක් එකෙන් බලාගන්න.
https://drive.google.com/file/d/0B_fIzm0oL4ONUlZtWkhGc2liRFU/view?usp=sharing

මේ පොතත් එක්ක ඔයාලට නොමිලේ ලැබෙන දේවල්
  1. CV Templates
  2. Cover Letter Template
  3. බහුල සම්මුඛ පරීක්ෂණ ප්‍රශ්න වලට නිදසුන් පිළිතුරු
  4. "ඔබට ගැළපෙන වෘත්තිය තෝරාගන්නේ කෙසේද" නොමිලේ බෙදා හැරුණු ඊබුක් එක
  5. අත්වැල් කිහිපයක්
  6. ඒත් එක්කම ඔයාල ඉදිරියට හදන CV එකක දුර්වලතා හඳුනාගෙන, ඒවා නිවැරදි කරල, අක්ෂර වින්‍යාස හා ව්‍යාකරණ නිවැරදි කරල ඒක හොඳ ආකාරයට හදල දෙනව. (එක් CV එකක් සඳහා) 
මේ දේවල් 6 ලැබෙන්න නම් ඔයා මේ පොත මිලට ගැනීම සිදු කළ යුතුම වෙනවා. 

අංක 6 ගැන කතා කළොත්, ඊට පස්සෙ උනත් ඔයාලට ඒ සේවාව ලබා ගන්නට හැකියාව තිබෙනවා. ඒ ගැන දැනගන්න මෙම සබැඳිය හරහා යන්න.
http://careerguidancelk.blogspot.com/p/cv-correction-service.html

මගෙ අත්දැකීම් හා දැනුම එකතු කරල තමයි මේ පොත නිර්මාණය කරල තිබෙන්නෙ. ඉතින් මම උනු මහන්සියට හා ගත කළ කාලයට ඔයාලගෙන් පොඩි මුදලක් අය කරනවා. ඒ වෙනුවෙන් ඔයාල තරහ වෙන එකක් නෑ කියල හිතනව. ඒ මිලටත් වඩා වටිනා දේවල් ටිකක් මේ හරහා ඔබට ලැබෙනව කියල මම ස්ථිරවම කියා සිටිනවා.
මම මීට පෙර, නොමිලේ ඔයාලට ලිපි රැසක්, කෙටි අත්වැල් දෙකක්, "ඔබට ගැළපෙන වෘත්තිය තෝරාගන්නේ කෙසේද" යන්න ගැන කතා කරන ebook එකක් ලබා දුන්නා.

ලොකු මුදලක් වෙන්නෙ නෑ. $1.49. (ඒ කියන්නෙ රු.200-220ක් වගේ පොඩි මුදලක්)

පහත Buy Now බොත්තම හරහා ඔබට මේ පොත මිලට ගන්නට හැකියාව තිබෙනවා. PayPal මගින් කෙලින්ම ඔබට මුදල් ගෙවිය හැකියි 
 Buy Now
$1.49

PayPal නොමැති අය සිටිනවා නම් මට ඊ මේල් ලිපියක් එවන්න. මම eZCash / mCash / Bank Transfer සඳහා අවශ්‍ය විස්තර එවන්නම්.

වැදගත් කරුණක් කියන්නට තිබෙනවා.
මේ පොත මම ඔයාල වෙනුවෙන් ගොඩක් මහන්සියෙන් ලියපු පොතක්. ඉතින් මම මිලක් නියම කරල තිබෙන මෙම පොත නොමිලේ බෙදා හරින්නට එපා යයි කාරුණිකව ඉල්ලා සිටිනවා. එසේ සිදුවන තැනක් දුටුවහොත් ඒ පිළිබඳ මා වහාම දැනුවත් කරන ලෙසත් ඉල්ලා සිටිනවා. 
ලංකාවේ බුද්ධිමය දේපළ පණත යටතේ එය ඉතාම වැරදි ක්‍රියාවක් කියලත් ඔබට මතක් කරන්නට කැමතියි.

ඉතින් ඔබ මෙම පොත ඔබගේ මිතුරන් හා බෙදා හදාගන්නා විට ඔවුන්ටත් මෙය මිලට ගැනීමට මෙම පිටුව වෙත ඔවුන්ව එවන්න කාරුණික වන්න.

Buy Now


මගේ Affiliate කෙනෙක් වී ඔබත් උපයන්න. 


මෙම පොත ඔබට පුළුවන් ඔබගේ වෙබ් / බ්ලොග් අඩවි හරහාත් විකුණන්නට. මම ඒ වෙනුවෙන් ඔබට 33%ක Affiliate Commission එකක් දෙන්නට බලාපොරොත්තු වෙනවා. ඒ කියන්නෙ ඔබගේ Affiliate Link එකකින් මගෙ පොත මිලට ගන්නා වාරයක් පාසා ඔබගේ Affiliate ගිණුමට $0.50 බැගින් බැර වෙනවා.
මේ මුදල් ඔබට ඔබගේ Paypal ගිණුමට කෙලින්ම ලබා ගන්නට පුළුවන්. 100%ම ලැබෙනව.
ඒත් එක්කම eZCash, mCash, Bankd Transfer (Commercial/Sampath) හරහාත් ඔබට ඒ මුදල් ලබා ගන්නට පුළුවන්. හැබැයි ඒවට නම් 5%ක service charge එකක් ගන්න වෙනව. 

වැඩි විස්තර සඳහා පහත සබැඳිය ක්ලික් කරන්න.
http://careerguidancelk.blogspot.com/2015/12/ebook-affiliate-programme.html

හැකියාවක් තිබුණොත් මෙම පොත තවත් වැඩිදියුණු කොට මුද්‍රණය කිරීමේ කැමැත්තකුත් මට තිබෙනවා. මේ උත්සාහය ඇගයීමකට ඔබත් බලාපොරොත්තු වනවා නම් ආරාධනා කරනවා මා වෙත ඔබට හැකි අයුරින් කුඩා ආධාරයක් වුවත් කරන ලෙස ආරාධනා කරනවා. 

 

වෙනත් කිසියම්ම හෝ ගැටළුවක් ඇති නම් cglk [at] consultant [dot] com හෝ madhawa.h [at] mail [dot] com හරහා මා හා සම්බන්ධ වන්නට ඉල්ලා සිටිනවා.

UPDATE:
මෙම පොත ඉදිරියට අන්තර්ජාලය හරහා සෘජුව මිලට ගැනීමට නොහැක. ඔබට මෙම පොත අවශ්‍ය නම් cglk [at] consultant [dot] com හෝ madhawa.h [at] mail [dot] com හරහා මා හා සම්බන්ධ වන්න. එවිට සියළුම විස්තර ඔබ වෙත නොපමාව ලැබෙනු ඇත. 

Digital Delivery by E-junkie