ඔන්න ඉතින් අලුත් බජට් එකෙන් පෙට්‍රල් ඩීසල් මිල අඩු උනාලුනෙ.
ඒ නිසා කට්ටිය කතා වෙලා ත්‍රීවීල් ගාස්තු අඩු කළා. බස් ගාස්තු අඩු කළා.
මාර කේස් එක කියන්නෙ දැන් කොන්දොස්තරලයි ත්‍රීවීල් කට්ටියයි කියන විදිහට ඉස්සර තිබ්බ ගාස්තු ඉස්සර තිබ්බ ගාස්තු වලට වඩා වැඩියිලු.
තේරුනේ නැද්ද මන්ද.
මගෙ ගෙදර කට්ටියට උනු සත්‍ය උදාහරණ දෙකක් ගන්නම්.
- බජට් එකට ඉස්සෙල්ල අපේ ගෙදර ඉඳල බස් එකේ කොට්ටාවට යන්න ටිකට් එක රු.34යි. (ඒ කියන්නෙ ඉතින් 35යිනෙ, මොකද ඉතුරු රුපියල ඉතින් උන්ගෙ සාක්කුවටනෙ) බජට් එකෙන් පස්සෙ ඒ දුර යන්න ටිකට් එක රු.35යිලු!!! එතකොට ඉස්සෙල්ල ගාස්තුව??? ඒක රු.37යිලු. 37 දැන් 35ට අඩු වෙලාලු.
- ඉස්සර පාදුක්කෙ ඉඳල අපේ ගෙදරට ත්‍රීවීල් ගාස්තුව රු.100යි. බජට් එකෙන් පස්සෙ ඒක රු.100-120 අතර ගාණක් වෙලා. එතකොට ඇහුවම "ඉස්සෙල්ල රු.100යිනෙ දැන් අඩු නැද්ද?" කියල. උන් කියනවලු කොහෙද 100ට ගියේ කියල. දැන් 100 කියන එකා කියනවලු ඉස්සර 120යි කියල. දැන් 120යි කියන එකා කියනවලු ඉස්සර 140යි කියල. තව ඌ ගණං හදන්නත් එනවලු.
මොකාටද ඉතින් මේව කියන්නෙ.
එතකොට බජට් එකෙන් අපිට ඩබල් පාඩු, ත්‍රීවීල්/බස් කාරයින්ට "ඩබල් වාසි".
අනේ කාලේ වනේ වාසේ කිව්වලු. :D
